Супраць сям'і, што пабудавала дзве кватэры за льготны крэдыт, могуць завесці крымінальную справу
Пакуль справай займаецца міліцыя.
Гэты выпадак зацікавіў Камітэт дзяржкантролю Гродзенскай вобласці. Дзве кватэры сям’я з Гродна пабудавала практычна задарма. Адзін ільготны крэдыт аформіла на сябе жонка (яна была ў спісах на льготнае крэдытаванне па месцы жыхарства), другі — муж, які стаяў на ўліку па месцы ваеннай службы.
— У дадзеным выпадку відавочная наяўнасць так званых прабелаў у заканадаўстве, — кажуць у Камітэце дзяржаўнага кантролю Гродзенскай вобласці.
І патлумачылі:
Да моманту ўступлення ў права на новабудоўлю жонкі сям’я яшчэ лічылася тымі, хто жыве ў нястачы. І якраз мужчыну прапанавалі будавацца — дык што ж адмаўляцца ад другой кватэры па льготным, пяціпрацэнтным крэдыце? Усё ж законна.муж-вайсковец не абавязаны быў, калі жонцы прыйшла чарга будавацца, здымацца з уліку па месцы службы.
Адзіны пракол дапусціла сям’я. Дакладней, жонка. Жанчына адносілася да катэгорыі
Рыхтуючы дакументы аб сукупным даходзе, жанчына падала недакладныя звесткі, і сума выдзеленай субсідыі была завышаная амаль на 41 мільён рублёў.Як пазней высветлілася, работнік раённай адміністрацыі, які праводзіў разлік субсідыі, нават не праверыў дадзеныя пра гадавы даход гэтай сям’і. А грошы, між іншым, у сям’і былі. Жанчына, атрымаўшы льготны крэдыт, тут жа датэрмінова пагасіла яго.
Цяпер матэрыялы праверкі па кватэрах і субсідыі перададзеныя ў праваахоўныя органы. Ужо там будзе вырашацца пытанне пра наяўнасць складу злачынства ў дзеяннях жыхаркі Гродна, а таксама службовых асоб, якія выдавалі крэдыты і субсідыі.
Дарэчы, у Дзяржкантролі кажуць, што такая сітуацыя, калі спрытныя грамадзяне амаль задарма будуюць жыллё, не рэдкасць. І ў дзейнае заканадаўства Дзяржкантроль прапануе ўнесці змены.
Каментары