Suprać siamji, što pabudavała dźvie kvatery za lhotny kredyt, mohuć zavieści kryminalnuju spravu
Pakul spravaj zajmajecca milicyja.
Hety vypadak zacikaviŭ Kamitet dziaržkantrolu Hrodzienskaj vobłaści. Dźvie kvatery siamja z Hrodna pabudavała praktyčna zadarma. Adzin ilhotny kredyt aformiła na siabie žonka (jana była ŭ śpisach na lhotnaje kredytavańnie pa miescy žycharstva), druhi — muž, jaki stajaŭ na ŭliku pa miescy vajennaj słužby.
— U dadzienym vypadku vidavočnaja najaŭnaść tak zvanych prabiełaŭ u zakanadaŭstvie, — kažuć u Kamitecie dziaržaŭnaha kantrolu Hrodzienskaj vobłaści.
I patłumačyli:
Da momantu ŭstupleńnia ŭ prava na novabudoŭlu žonki siamja jašče ličyłasia tymi, chto žyvie ŭ niastačy. I jakraz mužčynu prapanavali budavacca — dyk što ž admaŭlacca ad druhoj kvatery pa lhotnym, piacipracentnym kredycie? Usio ž zakonna.muž-vajskoviec nie abaviazany byŭ, kali žoncy pryjšła čarha budavacca, zdymacca z uliku pa miescy słužby.
Adziny prakoł dapuściła siamja. Dakładniej, žonka. Žančyna adnosiłasia da katehoryi
Rychtujučy dakumienty ab sukupnym dachodzie, žančyna padała niedakładnyja źviestki, i suma vydzielenaj subsidyi była zavyšanaja amal na 41 miljon rubloŭ.Jak paźniej vyśvietliłasia, rabotnik rajonnaj administracyi, jaki pravodziŭ raźlik subsidyi, navat nie pravieryŭ dadzienyja pra hadavy dachod hetaj siamji. A hrošy, miž inšym, u siamji byli. Žančyna, atrymaŭšy lhotny kredyt, tut ža daterminova pahasiła jaho.
Ciapier materyjały pravierki pa kvaterach i subsidyi pieradadzienyja ŭ pravaachoŭnyja orhany. Užo tam budzie vyrašacca pytańnie pra najaŭnaść składu złačynstva ŭ dziejańniach žycharki Hrodna, a taksama słužbovych asob, jakija vydavali kredyty i subsidyi.
Darečy, u Dziaržkantroli kažuć, što takaja situacyja, kali sprytnyja hramadzianie amal zadarma budujuć žyllo, nie redkaść. I ŭ dziejnaje zakanadaŭstva Dziaržkantrol prapanuje ŭnieści źmieny.
Kamientary