Пазоўнікі цвердзяць, што маладафронтаўцы зняважылі гонар і годнасць тых, хто ўскладаў кветкі да помніка Леніну 7 лістапада 2011 года.
Камуністы падалі пазоў да актывістаў зарэгістраванай у Чэхіі арганіхацыі «Малады фронт» Паўла Сяргея, Рамана Васільева і Міхася Мускага.
Тады сябры МФ закідалі яйкамі помнік Леніну на плошчы Незалежнасці ў Мінску. Свае дзеянні яны суправаджалі выкрыкамі «Камуністы — да адказу», «Камуністы — пад трыбунал».
«Вяртанне дахаты ў бруднай вопратцы выклікала ў мінакоў агіду да мяне, што сур’ёзна адбілася на маім душэўным стане, і я апынуўся ў стрэсавай сітуацыі», — напісаў у сваім пазове камуніст Мікалай Юшчанка. Ён патрабуе спагнаць з маладафронтаўцаў 1,5 мільёна рублёў. Аналагічны пазоў падаў Мікалай Валовіч, які патрабуе 4,5 мільёна рублёў кампенсацыі.
Раман Васільеў паведаміў, што першае пасяджэнне па справе адбылося 13 красавіка. Адказнікі адразу запатрабавалі адвакатаў.
Наступнае пасяджэнне запланаванае на 3 мая ў судзе Маскоўскага раёна Мінска.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары