Pazoŭniki ćvierdziać, što maładafrontaŭcy źniavažyli honar i hodnaść tych, chto ŭskładaŭ kvietki da pomnika Leninu 7 listapada 2011 hoda.
Kamunisty padali pazoŭ da aktyvistaŭ zarehistravanaj u Čechii arhanichacyi «Małady front» Paŭła Siarhieja, Ramana Vasiljeva i Michasia Muskaha.
Tady siabry MF zakidali jajkami pomnik Leninu na płoščy Niezaležnaści ŭ Minsku. Svaje dziejańni jany supravadžali vykrykami «Kamunisty — da adkazu», «Kamunisty — pad trybunał».
«Viartańnie dachaty ŭ brudnaj vopratcy vyklikała ŭ minakoŭ ahidu da mianie, što surjozna adbiłasia na maim dušeŭnym stanie, i ja apynuŭsia ŭ stresavaj situacyi», — napisaŭ u svaim pazovie kamunist Mikałaj Juščanka. Jon patrabuje spahnać z maładafrontaŭcaŭ 1,5 miljona rubloŭ. Anałahičny pazoŭ padaŭ Mikałaj Vałovič, jaki patrabuje 4,5 miljona rubloŭ kampiensacyi.
Raman Vasiljeŭ paviedamiŭ, što pieršaje pasiadžeńnie pa spravie adbyłosia 13 krasavika. Adkaźniki adrazu zapatrabavali advakataŭ.
Nastupnaje pasiadžeńnie zapłanavanaje na 3 maja ŭ sudzie Maskoŭskaha rajona Minska.
Kamientary