Грандыёзная выстава на Футбольным манежы і не толькі.
Ад 1 да 6 мая ў Мінску пройдзе серыя імпрэзаў, аб'яднаных агульнай назвай DESIGN WEEK. Прадстаўнікі розных дызайнерскіх галінаў з Беларусі, Літвы, Польшчы, Расіі, Украіны пакажуць свае працы, многія з якіх яшчэ ніколі не выстаўляліся на публіцы.
У маі 2011 ў Мінску на Футбольным манежы ў рамках мэблевага Форуму з поспехам прайшла «Галерэя беларускага дызайну». Мерапрыемства стала найбуйнейшым аглядам (больш за 50 удзельнікаў) актуальнага беларускага дызайну і выклікала вялікую грамадскую цікавасць (больш за 13000 наведнікаў).
Сёлета
экспазіцыі розных напрамкаў дызайну ахопяць увесь гораді ўцягнуць у кругазварот выстаў, паказаў, шоу вялікую колькасць аматараў прыгожага і якаснага дызайну.
Ад 2 да 5 мая экспазіцыя прамысловага і інтэр'ернага дызайну, а таксама fashion-секцыя, зноў размесціцца на Футбольным манежы (пр.Пераможцаў, 20/2), адначасова з найбуйнейшай мэблевай выставай «Мэблевы Форум».Акрамя асноўнай экспазіцыі, госці DESIGN WEEK змогуць наведаць мерапрыемствы дзелавой праграмы. Дадатковымі агменямі дызайну стануць галерэі сучаснага мастацтва, кавярні і клубы сталіцы. На гэтых пляцоўках пройдуць паказы прамысловага і графічнага дызайну, экспазіцыі партнёраў. У Музеі гісторыі беларускага кіно (Свярдлова, 4) публіка ўбачыць найлепшыя дакументальныя тэматычныя фільмы.
Больш падрабязнасцяў -- на сайце імпрэзы.
Хто забараняе ў Беларусі кнігі — вось гэтыя 22 чалавекі33
Каментары