У сакавіку 2012 года Беларусь заняла першае месца сярод шэрагу краін СНД і Еўропы па росту спажывецкіх цэн. Параўнальныя звесткі апублікаваў Нацыянальны статыстычны камітэт. Дагэтуль больш чым паўгода Беларусь заставалася лідарам па тэмпах інфляцыі. Толькі ў студзені 2012 года яе апярэдзіла Венгрыя, у лютым Беларусь таксама была на першым месцы.
У сакавіку беларуская інфляцыя да лютага 2012 года склала 1,5%,у той час як у Літве і Эстоніі — 1%, Венгрыі — 0,8%, Іспаніі — 0,7%, Латвіі — 0,6%, Італіі, Польшчы, Расіі — 0,5%, Фінляндыі і Турцыі — 0,4%, Славакіі, Украіне, Балгарыі, Германіі, Казахстане — 0,3%, Чэхіі — 0,2%. У Нарвегіі цэны знізіліся на 0,1%.
Разам з тым Беларуць не ўвайшла ў тройку лідараў па росту індэкса цэн на прадукты харчавання і безалкагольныя напоі ў сакавіку адносна лютага і заняла шостае месца ў спісе з паказчыкам 0,9%. Такі паказчык ў Венгрыі. Іх апярэдзілі: Чэхія — 1,9%, Славакія — 1,8%, Польшча — 1,2%, Літва — 1,1%. За Беларуссю і Венгрыяй ідуць: Расія — 0,8%, Балгарыя і Латвія — 0,7%, Казахстан і Фінляндыя — 0,5%, Германія —0,3%, Нарвегія і Украіна — 0,2%, Іспанія і Італія — 0,1%. У Турцыі цэны знізіліся на 0,3%, Ірландыі — на 0,1%.
У Беларусі ў 2011 годзе зафіксавана самая высокая інфляцыя за апошнія дзесяць гадоў. За год спажывецкія цэны ў Беларусі павялічыліся на 108,7%, у тым ліку за снежань — на 2,3%. Нагадаем, прагнозам сацыяльна-эканамічнага развіцця Беларусі планавалася інфляцыя на ўзроўні 7,5—8,5%. У 2012 годзе плануецца ўтрымаць інфляцыю ў межах 19—22%.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень5
Каментары