Паводле дадзеных Нацыянальнага статыстычнага камітэта РБ, намінальная налічаная сярэднямесячная заработная плата работнікаў Беларусі ў маі 2012 вырасла ў параўнанні з красавіком на 9,4% і дасягнула 3,56 млн. рублёў.
У даляравым эквіваленце заработная плата вырасла на 5,5% - да 426 даляры. У параўнанні з красавіком заробак павялічыўся на 22 даляры.
Гэта вельмі значны рост, у красавіку заробак павялічыўся на $13, а ў сакавіку - на $24.
Значным быў рост заработнай платы і ў рэальным выражэнні, гэта значыць скарэктааваны на рост спажывецкіх цэн. Паводле дадзеных Нацыянальнага статыстычнага камітэта рэальная зарплата павялічылася ў траўні ў параўнанні з красавіком на 7,7%.
Крыху меней, чым у сярэднім па краіне, у маі павялічылася заработная плата ў сферы, звязанай з вылічальнай тэхнікай: на 9% - да 9,583 млн. руб.Але праграмісты засталіся лідэрамі па заробку ў Беларусі.
У сферы вытворчасці коксу, нафтапрадуктаў і ядзерных матэрыялаў рост заробку стаўся і таго меншым: 2,6%. У выніку заробак у маі ў гэтай сферы эканомікі дасягнуў 7,404 млн. руб. Але гэта запаволенне можна лічыць нармальным, бо раней заробак у нафтаперапрацоўцы рос нашмат хутчэй, чым у цэлым па эканоміцы.
У хімічнай вытворчасці сярэдняя налічаная зарплата ў маі 2012 вырасла на 11,7%, дасягнуўшы 6,369 млн. руб.
У цэлым у прамысловасці заробак у маі павялічыўся на 9,5% (да 4,008 млн. руб), гэта значыць, практычна гэтаксама, як і ў сярэднім па эканоміцы.
У сферы фінансавага пасярэдніцтва сярэдні заробак у маі, як гэта ні дзіўна, не вырас, а знізіўся: на 3,9% (да 5,546 млн. руб).
Значна - на 15% - вырасла ў маі ў параўнанні з красавіком сярэдняя налічаная заработная плата ў сельскай гаспадарцы. Яна дасягнула 2,239 млн. руб, але ўсё роўна засталася на вельмі нізкім узроўні ў параўнанні з іншымі галінамі эканомікі. У гандлі заробак павялічыўся ў нашмат меншай ступені: на 6,2% - да 3,251 млн. руб.
Але больш за ўсё сярэдняя налічаная заработная плата ў маі 2012 павялічылася ў будаўніцтве - на 15,6% (да 4,097 млн. руб). Відаць, гэта звязана з жаданнем прадпрыемстваў спыніць адток кадраў з гэтай галіны. Дзякуючы росту ў маі заробак у сферы будаўніцтва павялічыўся ў рэальным выражэнні ў параўнанні з маем 2011 года на 15,1%.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі3
Каментары