абноўлена
Што здарылася з новым самалётам Лукашэнкі?
Боінг-767 таксама ў Кіта, але Лукашэнка ляцеў венесуэльскім лайнерам.
Мяркуючы па фатаграфіях, Аляксандр Лукашэнка прыляцеў у Эквадор на венесуэльскім самалёце.
У аэрапорце прайшла цырымонія афіцыйнай сустрэчы, паведамляе БелТА. Учора адбылося ўскладанне Аляксандрам Лукашэнкам вянка да манумента Героям Незалежнасці ў Кіта.
Сёння адбудзецца сустрэча беларускага кіраўніка з прэзідэнтам Эквадора Рафаэлем Карэа. Плануецца, што яны пагутараць ў вузкім фармаце, затым да іх далучацца члены дэлегацый. Па выніках перамоў прадугледжваецца падпісанне міжнародных дакументаў.
Нагадаем, у турнэ па краінах Лацінскай Амерыкі беларускі кіраўнік адправіўся на эксклюзіўным Boeing 767, які раней належаў Туркменбашы.Гэта быў першы палёт авіялайнера з новым уладальнікам на борце.
Дзяржаўныя СМІ аб змене лайнера пакуль маўчаць.Паведамляецца толькі, што ў сталіцу Эквадора Кіта Лукашэнка прыбыў на «борце нумар 1». Аднак няма гаворкі аб тым, чый гэта самалёт. На фота відаць, што лайнер пафарбаваны ў колеры сцяга Венесуэлы.
Блогеры выказалі меркаванне, што аэрапорт эквадорскай сталіцы можа быць рызыкоўны для прыёму вялікіх Боінгаў:«Самалёт Туркменбашы занадта грувасткі для прызямлення ў Кіта. Дый даўжыня пасадачнай паласы ў сталіцы Эквадора каратковатая. Таму для маршруту Каракас — Кіта — Каракас братам Уга для брата Алехандра і для пляменніка Нікаля быў прапанаваны венесуэльскі самалёт. На ім і прыляцеў», — выказаў меркаванне solnzepodobny.
Сапраўды, аэрапот Кіта знаходзіцца паміж гораў, таму не можа быць пашыраны, каб прымаць вялікія самалёты.На гэтым лётнішчы неаднаразова адбываліся аварыі і інцыдэнты, апошні з якіх у верасні летась.
Даўжыня
Тым не менш, у аэрапорце Кіта паведамляюць, што лукашэнкаўскі самалёт таксама прызямліўся ў Эквадоры.«Цяпер сёмая гадзіна раніцы, і самалёт знаходзіцца ў нашым аэрапорце. Паспяхова тут прызямліўся. Звестак пра нейкія праблемы мы не маем. Больш ніякай інфармацыі паведаміць не можам», — праінфармавала афіцыйная асоба міжнароднага аэрапорта ў Кіта.
Можа быць, самалёт кагосьці чакаў ці былі нейкія меркаванні бяспекі?У краінах Захаду такую сітуацыю абавязкова патлумачылі б СМІ, бо грамадзяне маюць права ведаць усё пра таго, каго абралі на дзяржаўную пасаду. Нічога такога ў Беларусі: прэзідэнтура захоўвае маўчанне.
Каментары