Маці актывіста міжнароднай арганізацыі «Малады фронт» (Чэхія) Эдуарда Лобава наведала сына ў Івацэвіцкай папраўчай калоніі № 5. Як паведаміла Марына Лобава, з 16 па 19 лістапада ў яе было доўгатэрміновае спатканне з сынам.
«У яго ўсё нармальна. На ўмовы ўтрымання не скардзіцца.Са здароўем таксама ўсё ў парадку, хоць нядаўна ён быў прастуджаны. Ужо паправіўся. Трымаецца бадзёра, настрой добры», — сказала Марына Лобава.
У калоніі Эдуард, паводле яе слоў, не працуе. «Працы там няма, застаўся толькі адзін рабочы атрад. Ён шмат чытае, яму выпісана шмат газет, усе прыходзяць. Таксама ў яго шмат кніг.Піша лісты сваім сябрам, але асабліва нічога новага не напішаш — дні падобныя адзін на адзін, няма падзей, няма новых уражанняў, усё аднастайна. Аб чым можна было напісаць — ён ужо даўно напісаў», — сказала Марына Лобава.
«Цяпер у яго няма праблем і з адміністрацыяй калоніі, і з іншымі зняволенымі. У калоніі было цёпла, добра грэюць. Харчаванне як і ўсюды, не горшае і не лепшае», — паведаміла маці зняволенага.
Чарговае спатканне з сынам у Марыны Лобавай будзе толькі праз паўгода. «Калі ўсё будзе добра і ў яго не будзе ніякіх парушэнняў», — дадала яна.
Лідар «Маладога фронту» Зміцер Дашкевіч і актывіст арганізацыі Эдуард Лобаў былі затрыманыя ў Мінску 18 снежня 2010 года. Паводле інфармацыі ГУУС Мінгарвыканкама, у двары жылога дома па вуліцы Янкі Брыля яны нібыта збівалі Канстанціна Савіцкага і Алега Малышава. Затрыманне Дашкевіча і Лобава прадстаўнікі апазіцыі і праваабаронцы расцанілі як прэвентыўную меру міліцыі напярэдадні прэзідэнцкіх выбараў 19 снежня 2010 года.
24 сакавіка Дашкевіч быў прыгавораны да 2 гадоў пазбаўлення волі ў калоніі агульнага рэжыму, Лобаў — да 4 гадоў у калоніі ўзмоцненага рэжыму.
«Міжнародная амністыя» прызнала Дашкевіча і Лобава вязнямі сумлення.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары