Aficyjny kiraŭnik Biełarusi zajaviŭ, što realizacyja inviestycyjnych prajektaŭ na pradpryjemstvach drevaapracoŭčaj pramysłovaści krainy pravalena.
Pra heta jon zajaviŭ, naviedvajučy 30 listapada AAT «Barysaŭdreŭ», pieradaje Interfaks.
Łukašenka zapatrabavaŭ ad svajho pamočnika Piatra Prakapoviča žorstka kantralavać madernizacyju pradpryjemstvaŭ.
«Za madernizacyju ty adkažaš krainie», — skazaŭ Łukašenka Prakapoviču.
«Dzie buduć brać hrošy — heta ich sprava ź Jermakovaj. Ty ź imi nie spračajsia: jakaja staŭka pavinna być i inšaje. Heta ich sprava. Tvaja sprava — płan i pavinna iści madernizacyja, a jany paabiacali ŭ 2015 hodzie ŭsio zaviaršyć. Davajcie ŭsio pa-ludsku zrobim, tym bolš — čas u nas ścisnuty, nam treba madernizavacca, kab była narmalnaja pradukcyja».
Łukašenka papiaredziŭ, što «daravańnia nie budzie nikomu, pa kadrach usie pytańni pavinny być vyrašanyja».
«Ja jašče pajedu ŭ Mahiloŭ i Viciebsk, i, bajusia, my tam možam pałovu ŭrada stracić».
Łukašenka pastaviŭ zadaču zaviaršyć da listapada nastupnaha hoda ŭsie pracy pa madernizacyi AAT «Barysaŭdreŭ»: «7 listapada budučaha hoda tut pavinna być «cukierka».
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary