Patrulny nabyŭ biesprytulniku abutak i sabraŭ paŭmiljona łajkaŭ u fejsbuku — fota
Akt dabryni palicyjanta vypadkova zaŭvažyła turystka i dasłała fota ŭ Departamient palicyi.
25-hadovy aficer palicy Ńju-Jorka Łoŭrens DePryma staŭ znakamity dziakujučy vysakarodnamu ŭčynku, jaki zaŭvažyli vypadkovyja ludzi na vulicy. Aficer dziažuryŭ na Tajms-Skvier, kali pabačyŭ bosaha biesprytulnika kala adnoj z kramaŭ. Palicyjant daviedaŭsia ŭ jaho pamier abutku i pajšoŭ u kramu. Tam jon nabyŭ dla niebaraki paru zimovaha abutku, škarpetki i dapamoh jamu abucca.
Hetaja historyja, mahčyma, i zastałasia niezaŭvažanaj, kali b nie vypadkovyja turysty z Aryzony. Žančyna sfatahrafavała scenu kala kramy i dasłała fota ŭ Departamient palicyi Ńju-Jorka. U sieradu fota źmiaścili na staroncy departamienta ŭ fejsbuku i ŭ chutkim časie imia palicyjanta stała viadomaje.
Na dadzieny momant hety zdymak ŭpadabali bolš za 500 000 karystalnikaŭ fejsbuku, kala 180 000 raźmiaścili fota ŭ siabie, pad zdymkam pakinuli bolš za 38000 kamientaroŭ. I hetyja pakazčyki praciahvajuć raści.
Hazieta «The New York Times» pryśviaciła palicyjantu vialiki artykuł.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary