Zajaviŭ prezydent ZŠA z nahody Tydnia paniavolenych narodaŭ, što adznačajecca štohod.
«Ułady Biełarusi, Birmy, Kuby, Paŭnočnaj Karei, Siryi, Irana, Sudana i Zimbabvie pa‑raniejšamu pryciaśniajuć svaich hramadzian», — havorycca ŭ zajavie prezidenta ZŠA Džordža Buša z nahody Tydnia paniavolenych narodaŭ, što adznačajecca štohod. Zajava raźmieščana na interniet‑sajcie Biełaha Doma.
Pavodle infarmacyi amierykanskaha lidera, Administracyja prezidenta ZŠA stvaryła Fond abaroncaŭ pravoŭ čałavieka, jaki budzie pradastaŭlać hranty dla «jurydyčnaj abarony i miedycynskaj dapamohi demakratam‑dysidentam, jakija byli aryštavanyja abo źbityja represiŭnymi ŭradami». Aprača taho, padkreśliŭ prezident, ZŠA padvoili finansavańnie demakratyčnych prajektaŭ pa ŭsim śviecie.
«Raspaŭsiudžvańnie svabody źjaŭlajecca maralnym abaviazkam. ZŠA plačo ŭ plačo supracoŭničajuć z novymi demakratyjami ŭ Libieryi, Maŭrytanii, Ukrainie, Hruzii i Kyrhyzstanie, — padkreśliŭ Dž.Buš. — Amierykancy vierać, što połymia svabody haryć u sercy kožnaha čałavieka, i što heta połymia nie moža być patušana ŭradami, terarystami abo tyranami».
Kamientary