Zahinuŭ były palitviazień 23-hadovy Arciom Hrybkoŭ
Trahiedyja adbyłasia jašče 13 śniežnia 2012 hoda.
«Jon zahinuŭ u aŭtakatastrofie, ale ja nie chaču nijakaha rozhałasu», — skazała ŭdava Arcioma Hrybkova Śviatłana.
Ciotka Hrybkova Ludmiła paćvierdziła fakt śmierci plamieńnika i skazała, što padrabiaznaściaŭ sama nie viedaje. Pa žadańni svajakoŭ Arcioma jaho pachavali na radzimie ŭ Karelickim rajonie.
Arciom Hrybkoŭ naradziŭsia 6 studzienia 1989 h. u Kareličach. Na momant źniavoleńnia pracavaŭ u handlovym centry «Hipa» hruzčykam i presaŭščykom hidraŭličnaha presu.
Byŭ zatrymany 19 śniežnia 2010 h. paśla akcyi pratestu suprać falsifikacyi vynikaŭ vybaraŭ. U SIZA ŭ Žodzinie adbyŭ 10 sutak. 12 studzienia ź miesca pracy Hrybkova zabrali ŭ SIZA na Vaładarskaha. Potym trymali ŭ SIZA KDB. Abvinavacili va ŭdziele ŭ masavych biesparadkach. 26 traŭnia 2011 h. sudździa Leninskaha suda Minska Ludmiła Hračova asudziła Hrybkova na 4 hady pazbaŭleńnia voli. Adbyvaŭ pakarańnie ŭ Babrujskaj kałonii №2. Vyzvaleny 13 žniŭnia 2011 hoda.
Pa vychadzie z turmy jon raskazaŭ, što na Płošču jon by vyjšaŭ iznoŭ, ale zaraz dziejničaŭ by inačaj. Što najbolšaje ŭražańnie na jaho ŭ sudzie zrabiŭ Statkievič. Što siłaviki, ź jakimi jon sutykaŭsia ŭ turmach, spačuvajuć nacyjanalna-vyzvalenčamu ruchu... I jak jon najpierš pajedzie ŭ viosku da babuli: adsypacca na sienie i adjadacca kiłbasami j blinami.
Ciapier čytajuć
Staŭ viadomy prysud eks-pamočniku Łukašenki Iharu Bryło2
Kamientary