Jakoj canoj?
Jakoj canoj?
Urad Rasiei papiarednie ŭchvaliŭ vydaču kredytu Biełarusi na apłatu pastavak rasiejskaha hazu. Pra heta siońnia va Uładzivastoku zajaviŭ ministar finansaŭ Rasiei Alaksiej Kudryn, pieradaje “RIA novosti”. Alaksiej Kudryn nie ahučyŭ sumu kredytu. Biełaruś raźličvaje atrymać ad Rasiei 1,5 miljarda dalaraŭ.
Pavodle Kudryna, kančatkovaje rašeńnie budzie prymać urad u vyhladzie papravak u biudžet. Ciapier idzie razhlad umovaŭ pradastaŭleńnia kredytu, uklučna z sumaj pazyki. Ministar nie ŭdakładniŭ, u jakija terminy moža być pryniataje rašeńnie.
Dniami ŭ interviju “Svabodzie” ekanamist Alaksandar Čubryk skazaŭ pra značeńnie rasiejskaha kredytu dla Biełarusi:
“Kali ŭkłaści hetyja hrošy ŭ enerhietyku, to vidavočna, što ekanamičny efekt budzie bolšy, čym niejkija niekalki adsotkaŭ, jakija treba budzie zapłacić pavodle hetaha kredytu. Heta pieršy i samy mały arhument u padtrymku taho, što hetyja hrošy Biełarusi patrebnyja. Ujavicie sabie: Biełaruś atrymlivaje paŭtara miljardy dalaraŭ. Hetaha dastatkova, kab spłacić uvieś dadatkovy enerhietyčny deficyt u paraŭnańni ź minułym hodam. My ŭ hetym hodzie na paŭtara miljardy dalaraŭ pavinny budziem bolš zapłacić za haz, za naftu, skažam tak, heta takaja dadatkovaja prablema dla našaj ekanomiki. Dyk hetych hrošaj chopić, kab prosta raźličycca pa hetych rachunkach za haz i naftu".
Radyjo «Svaboda»
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY5
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary