100 tysiač čałaviek pa ŭsim śviecie vystupili ŭ padtrymku Bialackaha

Pravaabarončaja arhanizacyja «Mižnarodnaja amnistyja» padviała vyniki praviedzienaha pa ŭsim śviecie marafona pa napisańni listoŭ salidarnaści viaźniu sumleńnia Alesiu Bialackamu — vice-prezidentu Mižnarodnaj fiederacyi pravoŭ čałavieka, lidaru likvidavanaha biełaruskimi ŭładami pravaabarončaha centra «Viasna».

U roznych krainach śvietu było pryniata ŭ ahulnaj składanaści bolš jak 104,5 tysiačy mier u padtrymku Bialackaha, paviedamlaje pravaabarončy sajt http://www.spring96.org. Udzielniki hłabalnaj kampanii, jakaja doŭžyłasia amal try miesiacy, vykazvali svaju padtrymku ŭ samaj roznaj formie.

Naprykład, u Japonii i Paŭdniovaj Karei było zroblena niekalki tysiač lichtarykaŭ.

Susiedniaja Polšča dałučyłasia da marafona šmatlikimi tvorčymi akcyjami. Za sutki ŭ krainie było arhanizavana amal 40 tysiač mierapryjemstvaŭ u padtrymku biełaruskaha pravaabaroncy. Tak, mastak-hrafityst namalavaŭ listy, jakija padajuć u paštovuju skryniu. Aleś Bialacki taksama byŭ namalavany na vialikaj vuličnaj karcinie ŭ Varšavie. «Kalandar supieražyvańnia», simvalizujučy turemnuju kamieru Bialackaha, byŭ pieradadzieny prezidentu Polščy Branisłavu Kamaroŭskamu, a aktyvistka z Poznani prademanstravała svaju salidarnaść ź Bialackim, udzielničajučy ŭ śpiecyjalnaj fotaakcyi.

Vialikaja kolkaść žycharoŭ krain Jeŭropy, ad Italii da Vialikabrytanii, padpisali pietycyi za svabodu Alesia Bialackaha. Adrasantam pietycyj i listoŭ salidarnaści pravaabaroncy razdavali nalepki z vyjavaj biełaruskaha palitźniavolenaha.

U śpisie krain, dzie prajšoŭ marafon,

Štohadovy pravaabarončy marafon pa napisańni listoŭ «Mižnarodnaj amnistyi» startavaŭ 7 śniežnia 2012 hoda, napiaredadni Dnia pravoŭ čałavieka, i prajšoŭ pa ŭsim śviecie pad łozunham «Pišam za pravy! Damožamsia pieramien!». Metaj akcyi było pryciahnieńnie ŭvahi mižnarodnaj hramadskaści da losu pravaabaroncaŭ, jakich pieraśledujuć ułady ŭ roznych krainach śvietu.

50-hadovy Aleś Bialacki adbyvaje pakarańnie ŭ papraŭčaj kałonii № 2 Babrujska pa pryhavory suda. 24 listapada 2011 hoda sud pryznaŭ jaho vinavatym va ŭtojvańni dachodaŭ u asabliva bujnym pamiery i pryhavaryŭ da čatyroch z pałovaj hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści. Padstavaj dla kryminalnaha pieraśledu Bialackaha stała najaŭnaść u jaho rachunkaŭ u bankach Litvy i Polščy. Sud nie ŭličyŭ, što hrošy, jakija na ich pastupajuć, vykarystoŭvalisia dla pravaabarončaj dziejnaści.

• 0
• 0
• 0
• 0
• 0
• 0
• 0
• 0