Rymašeŭski: Rasijskaja avijacyjnaja baza ŭ Biełarusi — srodak akupacyi
Raźmiaščeńnie ŭ Biełarusi rasijskaj avijacyjnaj bazy — heta srodak akupacyi. Tak sustaršynia arhkamiteta pa stvareńni partyi «Biełaruskaja chryścijanskaja demakratyja» (BCHD) Vital Rymašeŭski prakamientavaŭ zajavu, zroblenuju 23 krasavika ŭ Minsku ministram abarony Rasii Siarhiejem Šajhu, pra płany da 2015 hoda raźmiaścić u Biełarusi rasijski avijapołk sa źniščalnikami, paviedamlaje pres-słužba BCHD.
Pavodle słoŭ lidara BCHD, «raźmiaščeńnie rasijskich vojskaŭ na biełaruskaj terytoryi hruba supiarečyć Kanstytucyi, jakaja zamacoŭvaje status Biełarusi jak niejtralnaj dziaržavy».«Zastajecca nieviadomaj cana, jakuju zapłaciła Rasija za raźmiaščeńnie svajoj bazy, ale vidavočna, što koštam hetych antynacyjanalnych rašeńniaŭ siońniašnich uładaŭ moža stać niezaležnaść Respubliki Biełaruś», — ličyć jon.
«Rasija nieadnarazova paćviardžała za apošnija dziesiacihodździ, što jaje bazy vystupajuć jak srodak akupacyi toj krainy, na terytoryi jakoj jany znachodziacca. Vajna ŭ Hruzii — jaskravaje śviedčańnie hetaha», — adznačyŭ Rymašeŭski.Jon «kateharyčna suprać hetych antynacyjanalnych rašeńniaŭ», jakija supiarečać «nacyjanalnym intaresam i pahražajuć niezaležnaści krainy».
Nahadajem, siońnia na sustrečy z Alaksandram Łukašenkam kiraŭnik abaronnaha ministerstva RF zajaviŭ, što Rasija da 2015 hoda płanuje raźmiaścić u Biełarusi avijapołk sa źniščalnikami.«My pačynajem razhlad płana pa stvareńni tut rasijskaj avijacyjnaj bazy z samalotami-źniščalnikami. Spadziajemsia, što ŭ 2015 hodzie tut užo źjavicca avijacyjny połk», — pieradało słovy Šajhu dziaržaŭnaje ahienctva BiełTA. U 2013 hodzie miarkujecca stvaryć u Biełarusi avijacyjnuju kamiendaturu i pastavić pieršaje dziažurnaje źviano bajavych źniščalnikaŭ. «My płanujem i dalej razhladać pytańni, nieabchodnyja dla ŭzmacnieńnia abaranazdolnaści našych biełaruskich kaleh i bratoŭ», — skazaŭ rasijski ministr.
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra7
Kamientary