Žyllovy kompleks «Družny» dabuduje kampanija prezidenckaha napadajučaha Paŭła Biełaha
Jahony «Tapas» vykupiŭ pierśpiektyŭny ŭčastak na praśpiekcie Dziaržynskaha.
Budaŭnictva žyllovaha kompleksa «Družny», jaki znachodzicca ŭ Minsku na skryžavańni MKAD i praśpiekta Dziaržynskaha, praciahnie inšy zabudoŭščyk.
Pieršyja puskavyja kompleksy budavała kampanija ZTAA «Sintez-Biełnep Bud». Niepalska-biełaruski inviestar letaś zdaŭ u ekspłuatacyju pieršy dom. Dziela spraviedlivaści adznačym, što takoj kolkaści pretenzij ad navasiołaŭ nie było, badaj, ni ŭ adnaho sa staličnych damoŭ.
Elektryčnaści i haračaj vady nie było na praciahu hoda, praz ščyliny pa kvaterach hulaŭ viecier, a adkrytyja łodžyi zavalvała śnieham…
Ciapier praciahvajecca budaŭnictva druhoha i treciaha puskavych kompleksaŭ.
Usiaho ž ich zapłanavana piać. Ich budzie realizoŭvać inšy zabudoŭščyk – hrupa kampanij «Tapas».Pa słovach supracoŭnikaŭ kampanii, učastak byŭ vykupleny. Dyrektar ZTAA «Sintez-Biełnep Bud» prakamientavać situacyju admoviŭsia.
Jak miarkujecca,
kvadratny mietr u čaćviortym i piatym puskavym kompleksach budzie kaštavać $1200.Budaŭnictva budzie realizoŭvacca praz prodaž ablihacyj.
Kampaniju «Tapas» źviazvajuć ź imiem 33-hadovaha biznesmena Paŭła Biełaha – byłoha prafiesijnaha chakieista. Ciapier jon paśpiachova hulaje ŭ napadzieńni zbornaj Alaksandra Łukašenki.
Čytajcie na vychodnych na nn.by ahlad budaŭničaj aktyŭnaści Paŭła Biełaha.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary