Šviedy vyjduć na akcyju ŭ padtrymku bieł-čyrvona-biełych ściahoŭ
Jana zapłanavanaja na paniadziełak.
Isabel Somerfeld, kiraŭnica pravaabarončaj arhanizacyi Info Belarus, paviedamiła, što pavodle jaje infarmacyi rašeńnie zabaranić vykarystoŭvać na trybunach bieł-čyrvona-biełyja ściahi pryniała Mižnarodnaja chakiejnaja federacyja.
Incydent ź biełaruskimi zaŭziatarami adbyŭsia padčas učorašniaha chakiejnaha matču Biełaruś — Čechija. Švedzkija palicyja sprabavała zabrać u biełarusaŭ bieł-čyrvona-bieły ściah. A paźniej adzin sa švedzkich arhanizataraŭ papiaredziŭ ich, što bolej na matčy z takoj symbolikaj ich nia puściać:
Somerfeld: «Mianie aburaje hety fakt! Heta suprać našaha razumieńnia pravoŭ čałavieka — kožny moža abirać, što jamu apranać, i jaki ściah vykarystoŭvać, kali hetaha nikoha nie abražaje. A heta zusim nia toj vypadak.
My planujem akcyju pierad Hłoben-arenaj u paniadziełak ź bieł-čyrvona-biełymi ściahami, kab vykazać salidarnaść z zaŭziatarami i svoj pratest suprać rašeńnia Mižnarodnaj chakiejnaj federacyi».
Somerfeld upeŭnienaja, što jość sposaby paŭździejničać na rašeńnie Mižnarodnaj chakiejnaj fiederacyi: «Ciapier vielmi važna, kab švedzkija palityki skazali svajo słova. Ja dumaju, što mnohija ludzi šakavanyja hetym rašeńniem».
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?71
Kamientary