«Pakul milicyja lezła u dom, usie my razam z pastaram Sabiłam malilisia za toje, kab skončylisia našeści biazbožnikaŭ, kab my volna raścić svaich dziaciej u biełaruskaj kultury, z aporaj na našu chryścijanskuju vieru»…
26 žniŭnia ŭviečary ŭ Homieli milicyjanty blakavali pryvatny dom na vulicy Paleskaj,52, dzie prachodziła sustreča žycharoŭ horadu z byłym viaźniem HUŁAHu, pastaram zakrytaj uładami Biełaruskaj evanhielskaj carkvy Ernestam Sabiłam, i zatrymali 9 udzielnikaŭ sustrečy.
Major z Čyhunačnaha rajadździełu milicyi Homiela Uładzimir Hasimaŭ razam lejtenantam Anatolem Łojem i bajcami specnazu chacieli biez ordera na pieratrus zajści ŭ dom na toj padstavie, što tam nibyta chavajucca złačyncy. Kali staršynia haradzkoj arhanizacyi AHP Andrej Tołčyn paprasiŭ nazvać prykmiety złačyncaŭ, major Hasimaŭ adkazaŭ, što «hetyja źviestki sakretnyja».
Urešcie milicyjanty pieraleźli praz aharodžu i pačali zatrymlivać tych udzielnikaŭ sustrečy, u jakich nie było z saboju pašpartoŭ.Takich nabrałasia dzieviać čałaviek.
«Nas zavieźli ŭ pastarunak i stała źviarać našy proźviščy z bazaj źviestak, jakija jość u milicyi. Potym adpuskali. Pakul milicyja lezła u dom, usie my razam z pastaram Sabiłam malilisia za toje, kab skončylisia našeści biazbožnikaŭ, kab my volna raścić svaich dziaciej u biełaruskaj kultury, z aporaj na našu chryścijanskuju vieru»,— skazała «Svabodzie» adna z zatrymanych žančyn.
Fota Julii Daraškievič
Kamientary