Siońnia ŭ Biełarusi pačałasia ŭstupnaja kampanija — abituryjenty zdavali centralizavanaje testavańnie pa biełaruskaj movie. Karespandent «NN» taksama ŭziaŭ udzieł u pieršym teście hoda.
U propusku na ŭdzieł u CT adznačana, što sam ispyt pačynajecca a 11:00, ale zapuskajuć u aŭdytoryi pačynajuć a 9:30. Adnak čerhi la ŭvachodaŭ u korpusy Biełaruskaha dziaržaŭnaha ŭniviersiteta sabralisia jašče raniej. Sa 118 tysiač, što zarehistravalisia na CT, biełaruskuju movu vybrali 33 tys. Pavodle śpisaŭ, u BDU na ispyt pa biełaruskaj movie zapisalisia 1124 čałavieki.
Praviły dopusku abituryjentaŭ u ekzamienacyjnyja aŭdytoryi nadzvyčaj strohija.Z saboj možna mieć tolki čornuju hielevuju ručku, pašpart i propusk na CT. Usie astatnija rečy treba pakidać u harderobie — ź imi navat nie prapuściać
Za hadzinu da pačatku ispytu ŭ aŭdytoryi było zaniata kala pałovy miescaŭ. Vyhladała, što niekatoryja niervavalisia, astatnija pakutvali ad tupoha siadzieńnia i čakańnia.A pałovie na adzinadcatuju amal usie sto ź liškam miescaŭ byli zaniatyja. U aŭdytoryi stanaviłasia dušna, niahledziačy na rasčynienyja vokny, choć časam skraźniak napaŭniaŭ pakoj śviežym pavietram.
Amal pierad pačatkam ispytu ŭ aŭdytoryju zazirnuŭ adzin sa starejšych členaŭ kamisii, kab pravieryć, ci ŭsie lišnija rečy byli zdadadzienyja ŭ harderob.
Milicyjantu, jaki taksama pryjšoŭ zdavać test, prapanavali pakłaści furažku na padvakońnie. Adnak paśla taho, jak jon padniaŭsia ź miesca, staršynia kamisii vyrašyŭ, što jaho tabielnaja zbroja i kajdanki, što visieli na pojasie — taksama «lišnija rečy».Milicyjant adkazaŭ, što «nie maje prava zdymać hetyja rečy», ale paśla karotkaj razmovy ŭ kalidory ŭvieś čyrvony ŭsio ž pakłaŭ kaburu ź pistaletam na padvakońnie, a potym padčas ispytu
Členy kamisii, choć i stroha stavilisia da vykanańnia instrukcyj, ale pavodzilisia zyčliva i dapamahali ŭsim prysutnym. U padrabiaznaściach było rastłumačana, jak zapaŭniać błanki adkazaŭ. Nie rabicie heta chutka, bo niavykarystanyja błanki adrazu pahašajucca, i ŭ vypadku pamyłki novy nie vydaduć.
Sam test pa biełaruskaj movie subjektyŭna padaŭsia lohkim — pieršyja 15 zadańniaŭ na praviły arfahrafii byli biez admysłovych «zakavyrak», na ich možna było adkazać, kali prosta dobra prarašać testy sa zbornikaŭ dla padrychtoŭki da testavańnia. Jašče adzin vialiki błok zadańniaŭ byŭ pryśviečany punktuacyi, ale jany taksama nie vyhladali ciažkimi i zdavałasia, što čałaviek, jaki prosta rehularna čytaje knihi, moža intuityŭna adkazać na bolšaść ź ich. Uvohule, u teście nie było ničoha zvyšciažkaha i zaniatkaŭ z repietytaram, padrychtoŭčych kursaŭ ci prosta daskanałaha viedańnia školnaj prahramy było b dastatkova, kab atrymać vysoki bał.
Hrafik ispytaŭ CT
Biełaruskaja mova 14 červienia, piatnica, 11.00
Ruskaja mova 15 červienia, subota, 11.00
Bijałohija 17 červienia, paniadziełak, 11.00
Matematyka 19 červienia, sierada, 11.00
Hramadaznaŭstva 21 červienia, piatnica, 11.00
Fizika 22 červienia, subota, 11.00
Historyja Biełarusi 23 červienia, niadziela, 11.00
Chimija 24 červienia, paniadziełak. 11.00
Suśvietnaja historyja Najnoŭšaha času 25 červienia, aŭtorak, 11.00
Zamiežnyja movy (anhlijskaja, niamieckaja, francuzskaja, ispanskaja), 27 červienia, čaćvier 11.00
Hieahrafija 28 červienia, piatnica, 11.00
Ciapier čytajuć
Siarhiej Cichanoŭski pierabraŭsia žyć u Łos-Andželes63
Kamientary