Ačah afrykanskaj čumy śviniej zafiksavany ŭ Lidskim rajonie. Sielsaviet heta nie cikavić
U Redakcyju «NN» źviarnuŭsia čytač, jaki paviedamiŭ, što viosku Bielica Lidskaha rajona ŭčora ačapili supracoŭniki siłavych viedamstvaŭ. Pryčyna — čuma śviniej.«Maja dziaŭčyna z hetaj vioski. Kazała, što adnoj z žančyn zdochła śvińnia. Jana źviarnułasia ŭ vietsłužby. Učora viosku ačapili milicyjaniery, AMAPaŭcy. Zabirali śviniej na zaboj. Nibyta za canu 16 tysiač za kiłahram. Ludzi ŭ panicy byli. Siońnia dziaŭčyna vyjazdžała ź Bielicy, dyk u jaje pieratreśli sumku, kab nie było miasa», — raskazaŭ čytač.
Kab prajaśnić infarmacyju telefanujem u Bielicki sielsaviet. Staršynia Viktar Pasternak nie vielmi nastrojeny razmaŭlać: «Telefanujcie ŭ vietstancyju. Ja ž nie viedaju čuma heta ci nie čuma».
«NN»: Kažuć, što viosku ačapiła milicyja? Sumki praviarajuć.
VP: Nie kažycie hłupstvaŭ. Stajać ludzi na prypynku, nichto ničoha nie praviaraje.
«NN»: Ludzi maniać?
VP: Zdarajecca, što i maniać. Ja hetym zusim nie cikaŭlusia.
«NN»: Imaviernaja čuma śviniej sielsaviet nie cikavić?
VP:
Nu, kali «ŭkaziuku» źvierchu daduć, tady cikavić.
U vieterynarnaj stancyi Lidskaha rajona «NN» paćvierdzili, što ŭ vioscy Bielica sapraŭdy byŭ zafiksavany ačah afrykanskaj čumy śviniej.
«Tak, było, ale ačah užo likvidavany», — paviedamili tam. Maštaby i padrabiaznaści paviedamlać admovilisia.
Kamientary