Daždžlivaje nadvorje čakaje biełarusaŭ na hetym tydni.
Pra heta siońnia ŭ čas videabryfinhu paviedamiła dziažurny sinoptyk Respublikanskaha hidramieteacentra Alena Chadačynskaja.
«Pačatak pracoŭnaha tydnia vydaŭsia całkam kamfortnym, adnak u dalejšym nadvorje nastroicca na daždžlivy ład», — adznačyła sinoptyk.
Pavodle jaje słoŭ, užo zaŭtra, 17 vieraśnia, frantalny raździeł Zachodniaj Jeŭropy raspaŭsiudzić apadki na centralnyja i zachodnija rehijony Biełarusi, a ŭ dalejšym — u sieradu i čaćvier — jany achopiać usiu terytoryju krainy.
Daždžy čakajucca na bolšaj častcy terytoryi, miescami — mocnyja. U načnyja i ranišnija hadziny budzie zhuščacca tuman.
Tempieraturny fon na praciahu tydnia čakajecca ŭ miežach klimatyčnaj normy: u načnyja hadziny — ad 6 da 13 hradusaŭ ciapła, dniom u asnoŭnym budzie plus 11–18 hradusaŭ. U siaredzinie tydnia na ŭschodzie krainy tempieratura pavietra budzie pavyšacca da 19–21 hradusa.
«Ź piatnicy i da niadzieli ŭ poli panižanaha atmaśfiernaha cisku nadvorje taksama budzie pieravažać pachmurnaje i daždžlivaje.
U mnohich rajonach čakajucca daždžy, tempieratura pavietra ŭ načnyja hadziny budzie ŭ miežach plus 5–2 hradusaŭ, dniom pavietra prahrejecca da 11–18 hradusaŭ.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary