Z-za paranienaha kienhuru začynili aeraport u Mielburnie
Paranieny kienhuru parušyŭ pracu adnaho z terminałaŭ aeraporta Mielburna.
Pavodle paviedamleńniaŭ, kienhuru sprabavaŭ zaskočyć na druhi pavierch budynka terminała, ale jaho źbiła aŭto. Jon atrymaŭ traŭmu, zaskočyŭ u budynak i zatym, da ździŭleńnia naviedvalnikaŭ, uvarvaŭsia ŭ apteku.
Vidavočcy vyklikali ratavalnikaŭ, jakija ŭcichamiryli kienhuru z dapamohaj trankvilizatara.
Kienhuru, jakoha nazvali Sajrus, adrazu akazali pieršuju vieterynarnuju dapamohu, a terminał nienadoŭha začynili.
Džonsan Łoŭ, mieniedžar apteki, raspaviadaje, što spačatku nie pavieryŭ svajmu kalehu, jaki paviedamiŭ, što ŭ apteku ŭvarvaŭsia kienhuru.
«Ja prosta praciahvaŭ pracavać, admachnuŭšysia ad svajho kalehi, maŭlaŭ, «chopić žartavać».
Kienhuru ŭžo dastavili da vieterynara. Budynak terminała znachodzicca pobač z zaraśnikami, dzie žyvuć kienhuru, tamu žyvioły pieryjadyčna zaskokvajuć ŭ budynak aeraporta.
Kamientary