U suviazi z pastaŭkaj mini-CEC u AAT «Mastoŭdreŭ», jakaja nie adpaviadaje zajaŭlenym charaktarystykam, prakuroram Hrodzienskaj vobłaści raspačata sprava na padstavie č. 3 art. 424 KK (złoŭžyvańnie ŭładaj i słužbovymi paŭnamoctvami).
Pra heta paviedamiŭ staršy pamočnik prakurora Hrodzienskaj vobłaści Viačasłaŭ Ihnacik.
Pavodle jaho infarmacyi, kryminalnaja sprava raspačata ŭ dačynieńni da kiraŭnika kamiercyjnaj struktury ŭ Minsku, jakaja vykonvała raboty pa prajektavańni, pastaŭcy i ŭstanoŭcy mini-CEC u AAT «Mastoŭdreŭ».
Jak paviedamiŭ Viačasłaŭ Ihnacik, pamiž AAT «Mastadreŭ» i minskaj firmaj 31 žniŭnia 2004 hoda byŭ zaklučany kantrakt, pavodle jakoha padradčyk pa techničnym zadańni zamoŭcy abaviazaŭsia sprajektavać, pastavić i ŭstanavić paravy kacioł i turbinu supraćcisku z kamplektam nieabchodnaha abstalavańnia (mini-CEC).
Paśla vykanańnia ŭsiaho kompleksu rabot AAT «Mastoŭdreŭ» zapłaciŭ zamoŭcu bolš jak 10 młrd. rubloŭ.
Adnak potym vyśvietliłasia, što na ŭzhodnieny bakami ŭ techzadańnii pakazčyk elektryčnaj mahutnaści CEC nie vyjšła. Pryčyna — ustanoŭlenaje abstalavańnie nie adpaviadaje zajaŭlenym pastaŭščykom prajektnym charaktarystykam, maje šmat kanstruktyŭnych niedachopaŭ. Pry hetym vykidy dymavych hazaŭ i inšych praduktaŭ hareńnia ŭ atmaśfieru pieravyšajuć normu bolš jak u 2 razy.
«Hetyja akaličnaści ŭ sukupnaści ŭjaŭlajuć saboj značnuju pahrozu naležnamu ciepłazabieśpiačeńniu rajcentra ŭ aciaplalny pieryjad i niehatyŭna adbivajucca na ekałahičnaj situacyi ŭ Mastach», — skazaŭ pradstaŭnik abłasnoj prakuratury.
Pavodle słoŭ Viačasłava Ihnacika, z-za taho, što da hetaha času ŭstanoŭlenaje abstalavańnie nie zabiaśpiečvaje dasiahnieńnie prajektnaj mahutnaści, AAT «Mastoŭdreŭ» štomiesiac niasie značnyja materyjalnyja straty, źviazanyja ź niedaatrymańniem elektraenierhii i nieabchodnaściu ŭchilać techničnyja niepaładki. Tak, jaho raschody na vykanańnie ramontnych rabot u dačynieńni da pastaŭlenaha padradčykam abstalavańnia z sakavika 2008 hoda pa červień 2012 hoda skłali bolš jak 200 młn. rubloŭ.
Dla rasśledavańnia kryminalnaja sprava nakiravana va ŭpraŭleńnie Śledčaha kamiteta pa Hrodzienskaj vobłaści.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary