Biełarusy prezientavali biźnies-ideju, jakaja pieramahła ŭ konkursie Bi-Bi-Si
Pieramožcy brytanskaha telešou pryvieźli svajo vynachodnictva ŭ Biełaruś.
Letaś dvoje bieraściejcaŭ prydumali, jak vykarystoŭvać rovar dla raźmiaščeńnia rekłamy.
Ich vynachodnictva pieramahło ŭ konkursie biznes-idej u Łondanie.
Sutnaść u tym, što na kołach rovara ŭstaloŭvajecca admysłovaja pryłada, jakaja padčas ruchu stvaraje karcinku z łahatypam kampanii. U minakoŭ na vulicach takaja rekłama vyklivaje efiekt «vaŭ», śćviardžajuć vynachodniki.
Sioleta Arciom Stavienka i Kirył Čykiejuk pryvieźli svaju ideju na radzimu.
Chłopcy adkrytyja da supracoŭnictva ź biełaruskimi pradpryjemstvami. A asablivuju nadzieju ŭskładajuć na Čempijanat śvietu pa chakiei ŭ Minsku.
Pres-sakratar Ministerstva zamiežnych spraŭ Andrej Savinych, jaki prysutničaŭ na prezientacyi, ličyć prajekt praktyčnym i zapatrabavanym. I hatovy paraić chłopcam kantakty biełaruskich vytvorcaŭ drukavanych płat:
«Užo padčas prezientacyi ja ŭjaviŭ, jak pa našaj vieładarožcy jeździać dziasiatki i navat sotni viełasipiedaŭ, jakija rekłamujuć Čempijanat śvietu ci luboje inšaje hramadskaje ci dziaržaŭnaje pačynańnie».
Kamientary