Ukaz № 14 «Ab zasnavańni jubilejnaha miedala «70 hod vyzvaleńnia Respubliki Biełaruś ad niamiecka-fašysckich zachopnikaŭ» padpisaŭ 10 studzienia Alaksandr Łukašenka. Dakumientam zaćvierdžanyja pałažeńnie ab jubilejnym miedali, jaho apisańnie i ŭzor paśviedčańnia da jaho, paviedamlaje pres-słužba prezidenta.
Na piarednim baku miedala buduć vyjaŭlenyja saviecki sałdat z aŭtamatam, partyzan i padpolščyca na fonie padarvanaha čyhunačnaha pałatna. Źleva ad ich — łaŭrovaja halinka, abvitaja stužkaj ordena Słavy.
Miedalom buduć uznaharodžvacca vieterany Vialikaj Ajčynnaj vajny, byłyja viaźni fašysckich kancłahieraŭ, turmaŭ, hieta i inšych miescaŭ prymusovaha ŭtrymańnia, stvoranych fašystami i ich sajuźnikami ŭ hady Druhoj suśvietnaj vajny.
Akramia taho, jubilejnym miedalom płanujecca ŭznaharodžvać zamiežnych hramadzian i asob biez hramadzianstva, jakija niepasredna brali ŭdzieł u bajavych dziejańniach za vyzvaleńnie Biełarusi ad niamiecka-fašysckich zachopnikaŭ u hady Vialikaj Ajčynnaj vajny.
Miedala taksama buduć udastojenyja vajennasłužačyja Uzbrojenych sił, inšych vojskaŭ i voinskich farmiravańniaŭ, rabotniki dziaržorhanaŭ i inšyja asoby, «jakija zrabili značny ŭniosak u hieroika-patryjatyčnaje vychavańnie hramadzian Biełarusi, uviekaviečańnie pamiaci zahinułych, arhanizacyju mierapryjemstvaŭ, pryśviečanych 70-hodździu vyzvaleńnia Respubliki Biełaruś ad niamiecka-fašysckich zachopnikaŭ».
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud11
Kamientary