V.a. ministra ŭnutranych spraŭ Ukrainy Arsienij Avakaŭ nie viedaje miescaznachodžańnia Viktara Janukoviča. Pra heta Avakaŭ zajaviŭ 23 lutaha, paviedamlaje «Interfaks-Ukraina».
«Učora byŭ incydent, kali Pamiežnaja słužba zatrymała nieapaznany samalot na vylet i tam znachodziłasia achova prezidenta. Paśla taho, jak jana nie prajšła adpaviednuju praceduru kantrolu, jaje zatrymali.
Z samalota vyjšaŭ prezident Janukovič, sieŭ u mašynu i źjechaŭ u nieviadomym napramku», — skazaŭ Avakaŭ.
Taksama jon adznačyŭ, što nie viedaje pra miescaznachodžańnie v.a. kiraŭnika Ministerstva dachodaŭ i zboraŭ Alaksandra Klimienki i adchilenych Viarchoŭnaj Radaj ad svaich pasadaŭ hienprakurora Viktara Pšonki i ministra ŭnutranych spraŭ Vitala Zacharčanki.
A voś eks-vice-cpikieru Viarchoŭnaj Rady Iharu Kaletniku ŭdałosia palacieć u Maskvu, pakolki ŭ Pamiežnaj słužby aeraporta nie było padstavaŭ jaho zatrymlivać: u jaho byli ŭsie nieabchodnyja dakumienty dla pierasiačeńnia miažy i, akramia taho, deputackaja niedatykalnaść.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary