Student Biełaruskaha dziaržaŭnaha technałahičnaha ŭniviersiteta Mikita Navicki napisaŭ i abaraniŭ dypłom «Šlachi padvyšeńnia prybytku i rentabielnaści RUP «Vydaviectva «Adukacyja i vychavańnie»» pa-biełarusku.
Mikita staŭ adzinym studentam u hruppie (a mabyć, i va ŭsim univiersitecie), chto advažyŭsia na taki krok. Choć Novicki pryznaŭsia, što nie razmaŭlaje pa-biełarusku pastajanna. «Ja pa-biełarusku maŭču: słuchaju šmat biełaruskamoŭnaj muzyki, čytaju knihi pa-biełarusku».
Mikita kaža, što na šlach biełaruskamoŭnaści jaho nakiravaŭ adzin z vykładčykaŭ univiersiteta:
«Nastaŭnik, jaki vykładaŭ u nas ekanamičnuju teoryju na pieršym kursie, rabiŭ heta vyklučna pa-biełarusku. Mnohija studenty nie razumieli i pastajanna prasili jaho pierakłaści na rasijskuju lekcyi. A mianie heta natchniła.
Užo na 2-3 kursie ja pačaŭ pierakładać kanśpiekty na biełaruskuju. To bok lekcyi čytajuć pa-rasijsku, a ja zapisvaju pa-biełarusku. Spačatku było ciažka, ale potym ja ŭciahnuŭsia. Što tyčycca admysłovaj terminałohii, nie skažu, što ŭźnikali vialikija składanaści. Ja vyvučaju ekanomiku, i terminałohija ŭ joj zbolšaha mižnarodnaja. Ja čuŭ pra homielskaha studenta, jaki pa-biełarusku abaraniŭ dypłom inžyniera. Miarkuju, jamu było značna składaniej u pošukach kateharyjalnaha aparatu».
Da biełaruskamoŭnaha dypłomnaha prajekta vykładčyki pastavilisia ciopła i padtrymali jaho. «Ja adziny z usioj hrupy, chto atrymaŭ «dziesiać» za abaronu dypłoma. Dumaju, što ŭ hetym hrała rolu mienavita mova, na jakoj ja napisaŭ prajekt i abaraniaŭsia», — kaža jon.
Sam Mikita nie ličyć, što zrabiŭ niešta zvyšnaturalnaje:
«Liču, što kožny biełaruski ekanamist, jaki zakančvaje VNU ciapier, musić viedać biełaruskuju movu na takim uzroŭni. Ja chaču skazać usim biełarusam, kab jany nie zabyvali našu movu, kab jaje prasoŭvali, karystalisia joju. Karystalisia ŭsiudy: na vučobie, u siamji, na pracy.
Hadujcie dzietak pa-biełarusku, pryznavajciesia ŭ kachańni pa-biełarusku, pišycie dypłomy pa-biełarusku, karystajciesia biełaruskaj movaj na pracy! Nie čakajcie zahadaŭ źvierchu pisać dypłom pa-biełarusku. Prosta biarycie i rabicie! I tady Biełaruś sapraŭdy budzie biełaruskaj», — kaža jon.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary