Amierykanski finansist i miljarder Džordž Soras prapanavaŭ administracyi ZŠA «samy žorstki» sposab pakarać Rasieju za zachop Kryma — z dapamohaj źnižeńnia cenaŭ na naftu na suśvietnym rynku za košt jaje prodažu z stratehičnaha reziervu ZŠA.
Na minułym tydni pa rašeńni prezidenta ZŠA Baraka Abamy ZŠA ŭžo praviali testavy prodaž 5 młn barelaŭ nafty z stratehičnaha reziervu.
Vystupajučy ŭ Bierlinie, Soras zajaviŭ, što, surjozna pavialičyŭšy prapanova na rynku, Vašynhton zmoža damahčysia istotnaha źnižeńnia cenaŭ na naftu i tym samym źmienšyć naftavyja dachody rasijskaha biudžetu.
Na jaho dumku, Rasieja maje patrebu ŭ canie na naftu nie nižej za $100 za barel, kab zbałansavać biudžet.
Stratehičny rezierv ZŠA składaje kala 700 młn barelaŭ nafty, jakija znachodziacca ŭ čatyroch schoviščach u Łuizijanie. Pavodle acenki amierykanskaha Minenierha, hetaha zapasu pavinna chapić, kab zabiaśpiečyć 75 dzion unutranaha spažyvańnia ŭ vypadku spynieńnia impartu.
Aficyjny prahnoz cany na naftu, zakładzieny ŭ fiederalnym biudžecie RF na 2014 hod, składaje $ 101 za barel. Kala pałovy dachodnaj častki rasijskaha biudžetu składajuć naftahazavyja prybytki.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud28
Kamientary