«Pa Krymie my sami nie čakali takich vynikaŭ refierendumu», — zajaviŭ pasoł Rasii Alaksandr Surykaŭ žurnalistam 16 krasavika ŭ Minsku.
Jon padkreśliŭ, što na refierendumie za dałučeńnie da Rasii, jaki prajšoŭ u Krymie, prahałasavali 96,77%. «Takija rečy nie padtasoŭvajucca. My što, pavinny byli kinuć tam usich ruskich?» — skazaŭ Surykaŭ.
Pavodle jaho słoŭ, va ŭsich padziejach, što adbyvajucca va Ukrainie, vinavatyja novyja ŭłady, jakija zamiest taho, kab nivielavać isny va ŭkrainskim hramadstvie razłom, «praviali pa im rašpilem».
«My bačym, chto prychodzić da ŭłady va Ukrainie. Pasłuchajcie łozunhi «Pravaha siektara». My pamiatajem, jak pačynałasia nacysckaja Hiermanija. Pakul u takoj kanvie dziejničajuć i hetyja ludzi, i hetym vyklikany ŭsie dziejańni Rasii», — skazaŭ Surykaŭ.
Jon zaklikaŭ abjektyŭna hladzieć na padziei va Ukrainie i vykazaŭ nadzieju, što zapłanavanaja na 17 krasavika ŭ Ženievie sustreča pa «ŭkrainskim pytańni» «padretušuje ŭsie hetyja supiarečnaści».
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?71
Kamientary