Biełaruski kamitet salidarnaści z Ukrainaj zaklikaje padtrymać prajeŭrapiejski vybar
«Padtrymlivajučy siońnia prajeŭrapiejski vybar ukrainskaha naroda, vy padtrymlivajecie zaŭtrašni dzień Biełarusi!» — adznačajecca ŭ adkrytaj adoźvie Biełaruskaha kamiteta salidarnaści z Ukrainaj.
«Pamiatajcie, što tolki novyja ŭkrainskija ŭłady mohuć i buduć harantavać nacyjanalnym mienšaściam, siarod jakich biełarusy Ukrainy stajać na trecim miescy pa kolkaści, zachavańnie svajoj nacyjanalnaj samabytnaści i histaryčnych karanioŭ», — upeŭnienyja aŭtary zvarotu.
Pradstaŭniki kamiteta adznačajuć, što Ukraina «vyzvaliłasia z-pad pryhniotu troch impieryj, vyžyła, vypracavaŭšy svaju unikalnuju formu identyčnaści». «Ukrainskija ziemli rychtavali da zachopu praź Janukoviča, jaki davioŭ krainu da niabačanaj karupcyi, biespracoŭja i kradziažu, ale Majdan raspluščyŭ vočy ŭsioj ŭkrainskaj nacyi. Impierskija ž koły Rasii praciahvajuć sproby zachavać svoj upłyŭ i vystupać pastuchom ukraincaŭ, destabilizujučy stanovišča ŭ paŭdniova-ŭschodnich abłaściach Ukrainy, padtrymlivajučy patrabavańni fiederalizacyi krainy i zryvajučy prezidenckija vybary», — padkreślivajecca ŭ adoźvie.
U adkazny momant svajoj najnoŭšaj historyi ŭkrainski narod «pakazaŭ usiamu śvietu, što jon žadaje sam kiravać svajoj dziaržavaj, viedučy jaje da demakratyčnaj budučyni. Šlachoŭ tolki dva: albo nazad u novaje prarasijskaje hieta, albo na jeŭrapiejski prastor, kab «ludźmi zvacca».
Aŭtary zvarotu zaklikajuć biełarusaŭ Ukrainy być sumlennymi pierad saboj i adkazać na pytańnie, z kim jany: «z sumlennym i hieraičnym ukrainskim narodam abo sa złačynnaj i karumpavanaj bandaj, jakaja sprabuje zachavać uładu va Ukrainie praz zdradu nacyjanalnym intaresam dziaržavy».
«Biełarusy Ukrainy, my vierym, što vaš vybar budzie abapiracca na histaryčnuju pamiać biełaruskaj nacyi i stanie vybaram vašych honaru i hodnaści», — padkreślivajecca ŭ adoźvie.
Biełaruski kamitet salidarnaści z Ukrainaj stvorany ŭ sakaviku 2014 hoda. U jaho skład uvajšli niekalki dziesiatkaŭ čałaviek, u tym liku viadomyja palityki i hramadskija dziejačy Pavieł Sieviaryniec, Alaksiej Maračkin, Alaksiej Janukievič, Źmicier Daškievič, Ihar Rynkievič, Hanna Šapućka i inšyja.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami35
Kamientary