U Maryupali ŭkraincy adbili napad na vajskovuju častku, 3 zahinuli, 63 zatrymanyja VIDEA
Čaść Unutranych vojskaŭ nie dapuściła zachopu zbroi sieparatystami.
Ciapier SBU razam ź milicyjaj dakumientujuć fakty. Pra heta na svajoj staroncy ŭ Facebook paviedamiŭ v.a. ministra ŭnutranych spraŭ Arsien Avakaŭ.
«Unačy, u adkaz na ataku na vajskovuju častku Nacyjanalnaj hvardyi ŭ Maryupali (Danieckaja vobłaść) padraździaleńni MUS praviali apieracyju pa łakalizacyi bandy napadnikaŭ, jakaja naličvała kala 300 čałaviek», — napisaŭ jon.
Pa słovach Avakava, paśla taho, jak vajskovuju častku napadniki zakidali zapalnymi fuhasami i kaktejlami Mołatava i adkryli ahoń pa pastavych — nachvardziejcy adkryli papieradžalny ahoń. Zatym, paśla papiaredžańnia, u adpaviednaści sa statutam — pry paŭtornaj atacy — ahoń na paražeńnie.
Pa tryvozie byli padniatyja ŭsie padraździaleńni milicyi MUS Maryupala.
«Sumiesnymi namahańniami uzbrojenaj milicyi i Nachvardyi — paśla karotkaha boju, banda napadnikaŭ była raśsiejanaja, u asnoŭnym łakalizavanaja i razzbrojenaja. Uličvajučy taki ahresiŭny napad na vajskovuju častku, hrupoŭka MUS była padmacavana śpiecnazam «Amieha». Pierakinutyja viertaloty», — paviedamiŭ kiraŭnik MUS.
Pa stanie na 8 ranicy apieracyja praciahvajecca.
Śpiecpadraździaleńnie MUS praciahvaje pieraśled adnoj z uzbrojenych hrup. Na vulicach pracujuć patruli milicyi.
«Siarod słužačych MUS strat niama. Pa papiarednich dadzienych siarod napadnikaŭ — 3 zabitych, 13 paranienych, 63 zatrymanych.
Kanfiskavana zbroja. Srodki suviazi i telefony rasijskich apierataraŭ. Idzie ŭstanaŭleńnie asob zatrymanych», — padsumavaŭ Avakaŭ.
Jak paviedamlajecca bajcy Unutranych vojskaŭ razahnali napadnikaŭ i praviali začystku na susiednich vulicach. Jość aryštavanyja.
Ciapier čytajuć
Ci zakryjuć Jeŭropu dla biełarusaŭ? Daradca Cichanoŭskaj raspavioŭ, pra što damoviŭsia ŭ Bierlinie3
Kamientary