Adzinaja daroha «z pakryćciom» u biełaruskuju viosku Siemiachovičy
idzie cieraz Ukrainu. Tutejšyja školniki musiać štodnia čatyry razy — u škołu i dadomu — pierasiakać dziaržaŭnyja miežy. Biaz prava na prypynak.
Častka Pinskaha rajonu ŭ pamiery dziesiać kvadratnych kilametraŭ «apendyksam» urezałasia ŭ terytoryju Biełarusi. I try kilametry byłoj ahulnaj savieckaj darohi ź Biełarusi ŭ nakirunku Siemiachovič apynulisia jakraz na ziamli Ŭkrainy. Darohu hetuju nie abjechać i nie abyjści. Da najbližejšaj biełaruskaj vioski Pierachreście, što na Pinščynie — kilametry bałota, a da jašče bolš addalenaj vioski Zavišša Ivanaŭskaha rajonu — hłuchi les.
U vioscy Siemiachovičy ciapier žyvuć pieravažna pensijanery. Školnikaŭ tolki troje. Jula Machnačova — 15 hadoŭ, Andrej i Arciom Misiuty — rodnyja braty, vučni adpaviedna piataha i treciaha klasaŭ. Dzieci musiać naviedvać škołu ŭ vioscy Žydča Pinskaha rajonu, da jakoj bolš jak 15 kilametraŭ. Padjom — u šeść hadzinaŭ ranicy. U 7.00 u viosku pryjaždžaje školny aŭtobus.
Vadziciel i pasažyry abaviazanyja zachoŭvać vyznačany paradak pierasoŭvańnia ŭ pamiežnaj zonie. To bok dziciaci navat nielha patrabavać prypynku, kali, skažam, jamu stanie błaha. Jak minimum čatyry razy ŭ dzień školny aŭtobus abaviazkova prypyniajuć ukrainskija dy biełaruskija mytniki. Darosłyja ŭ formie nia hrebujuć zazirać u partfeli školnikaŭ, šukajuć narkotyki.
— U Siamichovičach — pieravałka dla kantrabandy, — davodzić učastkovy milicyjant Andrej Čorny, — z adnaho i druhoha boku miažy siudy tajemna dastaŭlajuć tavary biez akcyzaŭ i myty. Na łodkach pa Prypiaci — śpirtovyja napoi, cyharety, cukar, muku, krupu, miod. U konnych pavozkach praź les — trykataž, abutak, miech, halantareju.
Biełaruskija milicyjanty, pamiežniki dy supracoŭniki specsłužbaŭ ładziać ŭ Siamichovičach zasady. Z‑za hetaha tutejšyja žyvuć nibyta na vulkanie.Pry sustrečy 70‑hadovy Ihar Smolnik žaliŭsia, što ŭkrainskija pamiežniki zatrymlivajuć adnaviaskoŭcaŭ na palavańni, u hrybach i jahadach.
— Prahłynie Ŭkraina našu viosačku, — havoryć spadar Smolnik, — moładź adsiul źjaždžaje, a starych ludziej užo niašmat zastałosia.
Deputat sielsavietu Alaksandar Dubina nie asprečvaje dovady staražyła. Jon daśledavaŭ demahrafičnuju sytuacyju ŭ Siemiachovičach i kanstatuje: niaviestaŭ da 35 hadoŭ tut užo nie zastałosia. Najmałodšamu žanichu — užo za 40…
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary