Pad Słavianskam (Danieckaja vobłaść) terarysty źbili viertalot: zahinuli bolš za 10 vajskoŭcaŭ z hienierałam Kulčyckim.
«Terarystami z rasijskaj zbroi PZRK byŭ źbity naš viertalot, jaki vioz vajskoŭcaŭ dla ratacyi — 14 našych vajskoŭcaŭ zahinuli razam z hienierałam Kulčyckim, — paviedamiŭ staršynia Viarchoŭnaj rady Ukrainy Alaksandr Turčynaŭ na pasiadžeńni parłamienta.
U toj ža čas, pres-sakratar ATA Uładzisłaŭ Sielaźnioŭ paviedamiŭ u kamientary UNIAN, što ŭ vyniku padzieńnia źbić terarystami viertalota pad Słavianskam zahinuli nie 14 vajskoŭcaŭ, a 10.
«Ja paćviardžaju, što siońnia ŭ rajonie Słavianska byŭ źbity viertalot. Udakładniajecca, ź jakoj zbroi: ci to z hranatamiota, ci to z PZRK. Viertalot naležaŭ Nacyjanalnaj hvardyi Ukrainy. Na borcie znachodziŭsia piersanał, jaki pieravoziŭ pradukty dla błokpastoŭ. Infarmacyja ab paciarpiełych ŭdakładniajecca. Ja čuŭ pra toje, što kazaŭ Turčynaŭ, ale, pa majoj infarmacyi, kolkaść čałaviek, jakija znachodzilisia na borcie, — 10», — skazaŭ Sielaźnioŭ.
Nachvardyja nazyvaje ličbu ŭ 12 zahinułych, adzin čałaviek vyžyŭ, jon znachodzicca ŭ ciažkim stanie. Siarod zahinułych — načalnik Upraŭleńnia bajavoj i śpiecyjalnaj padrychtoŭki Nacyjanalnaj hvardyi Ukrainy hienierał-major Siarhiej Kulčycki.
«Vaśmiorka» išła na Karačun (telecentr), hružanaja praduktami, pitnoj vadoj, broniekamizelkami…
Sieła narmalna, vyhruzilisia, uziała na bort bajcoŭ, što lacieli na adpačynak, i praź niekalki chvilin paśla ŭźlotu vybuchnuła … rakieta, ci streł z hranatamiota…
Pry ŭdary ab ziamlu padarvalisia baki…», — napisaŭ žurnalist Arciom Šaŭčenka na svajoj staroncy Facebook.
Hruz, jaki pieravoziŭ viertalot, fota Unian.net
Rasijski vajenny žurnalist Arkadź Babčanka ŭ sacsietcy taksama prakamientavaŭ situacyju z ukrainskim viertalotam.
«Viartušku, na jakuju mianie ni razu tak i nie ŭziali, źbili. Pavodle majoj infarmacyi, jana dajšła da Karačuna, tam razhruziłasia, uźlacieła i paśla ŭźlotu jaje źbili.
Sačyli, mabyć. Byli dva vybuchi — adzin u pavietry, druhi pry padzieńni. Nakolki možna zrazumieć, nichto nie vyžyŭ. Lotčykaŭ škada. Dobryja mužyki byli. Vietlivyja, karektnyja. Škada», — napisaŭ vajenny karespandent.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary