Ukrainski abaronca navapołackaha «Naftana» Rusłan Hunčak vykazaŭ sajtu by.tribuna.com svaje mierkavańni nakont vybaraŭ novaha ŭkrainskaha prezidenta.
— Nie mahu nie spytać pra ŭkrainskuju situacyju — jana vas niejkim čynam zakranuła?
— Dziakuj bohu, nie. Ale ja pieražyvaju. Śpiecyjalna padklučyŭ spadarožnikavuju antenu: ukrainskija i rasijskija kanały. Pieršyja kažuć adno, druhija — inšaje. Maju znosiny ź siabrami — ich u mianie šmat i ŭ Daniecku, i ŭ Łuhansku, i ŭ Krymie. Jość roznyja mierkavańni, ale ŭ cełym narod za adzinuju Ukrainu. Nas abnadziejvajuć, što z prezidenckimi vybarami hetamu žachu pryjdzie kaniec. Słaba vierycca…
— Jak vy staviciesia da abrańnia Parašenki?
— Adrazu skazaŭ, što jon vyjhraje. Ale ludziej treba sudzić pavodle ich učynkaŭ. Usie prezidenty na Ukrainie tolki jazykom mienciać, a ludziam u krainie žyviecca ŭsio horš i horš. Pahladzim, ci buduć vykananyja abiacańni novaha kiraŭnika dziaržavy.
— U vas nie było mahčymaści paŭdzielničać u vybarach?
— Nie, my jak raz rychtavalisia da matču z BATE. Była b mahčymaść, abaviazkova addaŭ by svoj hołas. Kamu? Abo Parašenku, abo Lašku. Mnie Laško navat bolš padabajecca. Jon choć niešta robić — jeździć pa rehijonach, supakojvaje ludziej. Viedaju, što jaŭka na hetych vybarach — adna z samych vysokich. Ludzi realna pieražyvajuć za los krainy.
— Na jakoj movie z Aleham Kierču razmaŭlajecie?
— Z Kierču — na ŭkrainskaj. Dy i nie tolki z Aleham. A što takoha? Mnie voś niezrazumieła, čamu vy na biełaruskaj nie razmaŭlajecie. Ja nie nacyjanalist, ale, dumaju, ludzi pavinny mieć znosiny na svajoj rodnaj movie. Chiba što kali heta kamuści nie padabajecca, biez prablem mahu pierachodzić na rasiejskuju.
Ciapier čytajuć
Siarhiej Cichanoŭski pierabraŭsia žyć u Łos-Andželes57
Kamientary