Zabudoŭščyka, jaki pakinuŭ ludziej biez kvater i hrošaj, adpravili za kraty
I kanfiskavali jaho majomaść.
Jak paviedamili ŭ pres-słužbie Viarchoŭnaha suda, byłoha staršyniu vytvorčaha kaapieratyva «Ekvivalent» Ihara Chitrova asudzili na 5 hadoŭ kałonii z kanfiskacyjaj majomaści i pazbaŭleńniem prava zajmać pasady, źviazanyja z administratyŭna-haspadarčymi abaviazkami, taksama na 5 hadoŭ. Jaho pryznali vinavatym u rastracie majomaści, jakuju jamu davieryli, u pieravyšeńni słužbovych paŭnamoctvaŭ.
Jašče ŭ 2008-m jaho kaapieratyŭ staŭ druhim zabudoŭščykam šmatkvaternaha doma ŭ Smalavičach. Chitroŭ mieŭsia pabudavać tolki adzin žyły pavierch — šosty. Ludzi hrošy zapłacili, ale kvadratnych mietraŭ tak i nie atrymali.
Kali vyjavilisia prablemy z «Ekvivalentam» (hrošy z rachunkaŭ pajšli nie na budaŭnictva), ad pasłuh kaapieratyva admovilisia. A Chitrova paprasili viarnuć hrošy ludziam. Tym bolš, što da šostaha paviercha sprava nie paśpieła dajści. Voś tolki hrošaj i nie akazałasia na rachunkach «Ekvivalentu». Padmanutym dolščykam ža čynoŭniki prapanavali budavacca ŭ inšym domie — to bok apłacić kvatery druhi raz. I praz sud spahaniać zapłačanyja hrošy.
Chitroŭ užo ciapier pavinien čatyrom paciarpiełym vypłacić amal 17 miljonaŭ rubloŭ za maralnuju škodu, a dvum — pa 52675000 rubloŭ. Inšyja paciarpiełyja mohuć spahnać hrošy ŭ hramadzianskim pracesie.
Ciapier čytajuć
Kab nie siadzieć u Rasii za narkotyki, małady danosčyk z Ašmianaŭ zapisaŭsia na front. Dyj zhinuŭ5
Kamientary