Ukrainie varta razarvać dypłamatyčnyja adnosiny z Rasijaj, jak heta zrabiła Hruzija. Takoje mierkavańnie ŭ kamientary Gordonua.com vykazała dysident i pravaabaronca Valeryja Navadvorskaja.
«Treba adbicca i padavić dyviersantaŭ. Treba damaŭlacca z Zachadam i pierakinuć hazavyja zakazy, a za pierahonki hazu na Zachad brać hrošy. Ja b razarvała dypłamatyčnyja adnosiny z Rasijaj, jak heta zrabiła Hruzija. Krym, jak i Paŭdniovaja Asiecija, zachopleny, i ŭsim viadoma, chto takija i ad kaho pryjšli Strałkoŭ i Baradaj (lidery terarystaŭ «Danieckaj narodnaj respubliki»)», — zajaviła Navadvorskaja.
Na dumku pravaabaroncy, novamu prezidentu Ukrainy Piatru Parašenku lepš vybudoŭvać adnosiny z kiraŭnikom RF Uładzimiram Pucinym «pry dapamozie bujnakalibiernych kulamiotaŭ».
«Ja nie viedaju, jak Parašenka pavinien siabie ź im pavodzić, ale, napeŭna, Parašenka, jak čałaviek stały, heta viedaje lepš za mianie. Ja b asabista vitacca nie zmahła, choć haz Ukrainie patrebny. Ale, moža, lepš jaho kupić u Azierbajdžana abo Turkmienii?» — adznačyła dysident.
Navadvorskaja taksama prakamientavała i svaje asabistyja pažadańni Pucinu.
«Pry asabistaj sustrečy ja b skazała Pucinu, što jon budzie praklaty naščadkami i historyjaj.
Ja nie vialiki śpiecyjalist pa vybudoŭvańni adnosin ź niahodnikami, i adzinaje, čaho možna pažadać, tak heta kab chutčej satana zabraŭ Pucina ŭ piekła»,
— padkreśliła jana.
Pa słovach Navadvorskaj, u Maskvie masava viarbujuć byłych vajskoŭcaŭ dla adpraŭki ŭ Danbas.
«Pucin nie ŭviadzie svaje vojski, ale budzie padciahvać svaich dyviersantaŭ. U Maskvie idzie viarboŭka pa vajenkamatach. Tym, chto prajšoŭ haračyja kropki, telefanujuć i prapanujuć u Danbasie zarabić dobruju sumu», — adznačyła publicyst.
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary