Łukašenka ŭ Kijevie: Ukraina zdolnaja vyrašyć prablemy biez zamiežnych pasiarednikaŭ
Ukraina zdolnaja vyrašyć kanflikt u dziaržavie biez zamiežnych pasiarednikaŭ. Pra heta zajaviŭ Alaksandr Łukašenka žurnalistam paśla inaŭhuracyi prezidenta Piatra Parašenki ŭ Viarchoŭnaj Radzie.
«Ukraincy pracavityja i razumnyja, i ja ŭpeŭnieny, što jany spraviacca sa svaimi prablemami. Navat kali im nie dapamohuć, to jany zrobiać heta samastojna», - skazaŭ jon.
Jon taksama padkreśliŭ, što nie ličyć katastrafičnaj situacyju ŭ dziaržavie.
Pavodle jaho słoŭ, vakoł situacyi va Ukrainie zanadta šmat słaviesnych nahniatańniaŭ.
Łukašenka zaklikaŭ ŭkraincaŭ supakoicca i vykazaŭ upeŭnienaść u tym, što Parašenka strymaje svajo słova pa stabilizacyi situacyi ŭ dziaržavie i zachavańnia jaje adzinstva.
Taksama Łukašenka niekalki razoŭ nie adkazaŭ na pytańnie, ci ličyć jon Krym ukrainskaj terytoryjaj, adznačyŭšy, što kazaŭ pra heta raniej.
«Adnosna Ukrainy — jana pavinna być adzinaj i cełasnaj dziaržavaj. I budzie takoj», — adznačyŭ jon.
Adkazvajučy na pytańnie, ci prasiŭ u jaho prytułku eks-prezydent Ukrainy Viktar Janukovič, Łukašenka adkazaŭ admoŭna.
«Jon mianie nie prasiŭ. U Biełarusi jość siało, dzie naradzilisia jaho baćki, i kali jon zachoča tudy pryjechać, nichto nie moža jamu zabaranić», — zajaviŭ jon.
«Ale ja vam raju — zabiarycie svajho prezidenta va Ukrainu. Niachaj jon budzie ŭ vas. Kali ad mianie budzie zaležyć, ja dapamahu», — adznačyŭ Łukašenka.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary