U Rasiju z zony bajavych dziejańniaŭ na ŭschodzie Ukrainy źbiehli kala 15 tysiač čałaviek.
Pra heta, jak paviedamlaje ŭ čaćvier, 12 červienia, ITAR-TASS, zajaviŭ «staršynia prezidyuma viarchoŭnaha savieta» samaabvieščanaj Danieckaj narodnaj respubliki (DNR) Dzianis Pušylin. Bolšaść biežancaŭ — žančyny i dzieci, dadaŭ jon.
U piatnicu, 6 červienia, upaŭnavažany pry prezidencie Rasii pa pravach dziciaci Pavieł Astachaŭ zajaviŭ, što ŭ Rastoŭskuju vobłaść z Ukrainy tolki za sutki prybyli bolš za 12 tysiač čałaviek. U aŭtorak, 10 červienia, vice-premjer urada RF Volha Haładziec paviedamiła, što ŭ punktach časovaha raźmiaščeńnia biežancaŭ na terytoryi Rasii znachodziacca bolš za dźvie z pałovaj tysiačy hramadzian Ukrainy.
Kamientary