U adkaz na źbićcio samalota z desantnikami rasijskaje pasolstva ŭ Kijevie zakidali kamianiami FOTA, VIDEA
Milicyja ź ciažkaściu strymała niekalki socień demanstrantaŭ.
Siońnia ŭ Kijevie kala budynka rasijskaha pasolstva adbyvajecca mitynh pratestu suprać palityki Pucina. Siarod mitynhoŭcaŭ prysutničali ludzi roznych uzrostaŭ — ad maładych siemjaŭ, jakija pryjšli ź dziećmi, da piensijanieraŭ. Usiaho kala 300 čałaviek. Mitynh la ambasady RF praciahvajecca. Ludzi prybyvajuć.
La aharodžy rasijskaj ambasady mitynhoŭcy raskłali aŭtamabilnyja šyny, ale ich pakul nie zapalvajuć. Na aharodžy raźviesili płakaty z zaklikami da rasijskaha kiraŭnictva spynić ahresiju i nadpisami ŭ adras niepasredna prezidenta RF.
Mitynhoŭcam udałosia z dapamohaj śpininha sarvać rasijski ściah z fłahštoka, ustalavanaha na terytoryi ambasady RF. Takim čynam, mitynhoŭcy nie pierasiakali aharodžu dyppradstaŭnictva, terytoryja jakoha ŭ adpaviednaści ź mižnarodnym zakanadaŭstvam źjaŭlajecca terytoryjaj Rasii.
Paviedamlajecca, što ŭviečary pratestoŭcy pieraviarnuli šeść aŭtamabilaŭ dypłamatyčnaha pradstaŭnictva RF.
Anłajn z Kijeva
Šturškom da akcyi stali padziei ŭ Łuhansku, dzie ŭzbrojenyja bajcy samaabvieščanaj «ŁNR» źbili samalot Ił-76 ukrainskich VPS, u vyniku čaho zahinuli 49 vajskoŭcaŭ i členaŭ ekipaža.
Milicyja zaklikaje mitynhoŭcaŭ, «niahledziačy na pohlady i svajo staŭleńnie», zachoŭvać hramadski paradak i nie stvarać kanfliktnych situacyj.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary