U Biełarusi pavialičany pamiery zamiežnych kamandzirovačnych. Heta praduhledžana pastanovaj Ministerstva finansaŭ ad 10 červienia 2014 hoda numar 31, jakaja aficyjna apublikavana siońnia na Nacyjanalnym pravavym internet-partale.
Pastanovaj ustanaŭlivajucca novyja normy apłaty kamandzirovačnych raschodaŭ pry słužbovych kamandziroŭkach za miažu. Pamiery sutačnych i hraničnaja norma raschodaŭ pa najmie žyłoha pamiaškańnia ŭstanoŭleny dla rabotnikaŭ, jakija adpraŭlajucca ŭ zamiežnyja kamandziroŭki, a taksama dla supracoŭnikaŭ biełaruskich zamiežnych ustanoŭ i inšych katehoryj rabotnikaŭ pry karotkaterminovych kamandziroŭkach ŭ miežach dziaržavy, na terytoryi jakoj znachodzicca zamiežnaja ŭstanova.
Novyja normy ŭstanaŭlivajucca dla bolš jak 40 krain.
Tak, sutačnyja ŭ Litvu dla tych, chto nie pracuje ŭ zamiežnych ustanovach, vyraśli z 26 da 30 jeŭra, hraničnaja norma raschodaŭ pa najmie žylla ŭ Vilni pavialičyłasia z 120 da 140 jeŭra, u Kaŭnasie i Kłajpiedzie - z 70 da 90 jeŭra. Dla astatnich nasielenych punktaŭ Litvy heta norma vyrasła z 60 da 70 jeŭra. Sutačnyja ŭ Polšču ciapier składajuć 50 jeŭra (raniej byli 35), a voś na najom žylla ŭ hetaj krainie pa-raniejšamu buduć vydzialać da 150 jeŭra.
Samyja vysokija hraničnyja normy raschodaŭ pa najmie žylla ŭstanoŭleny dla tych, chto adpravicca ŭ słužbovuju kamandziroŭku ŭ Sieniehieł (da $300), Saudaŭskuju Araviju ($250), Sudan ($240), siarod haradoŭ u lidarach Ńju-Jork (da $350).
Pastanova ŭstupaje ŭ siłu paśla jaje aficyjnaha apublikavańnia
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary