Ruch «Za svabodu» raspaŭsiudziŭ zajavu da biełaruskich vajskoŭcaŭ, paviedamlaje pres-słužba arhanizacyi.
«Kryvavyja padziei va Ukrainie vyklikajuć ŭ biełarusaŭ niepakoj i tryvohu. Nichto nie chacieŭ by, kab na našaj biełaruskaj ziamli išła bratazabojčaja vajna abo niechta imknuŭsia praz svaich dyviersantaŭ padzialić i akupavać našu Biełaruś.
Biełarusy - mirnyja ludzi, ale ŭ krytyčnyja momanty treba być hatovym vyjści ščylnymi radami suprać ahresara, kab baranić mir, terytaryjalnuju cełasnaść i niezaležnaść našaj krainy.
Ahulny i maralna-palityčny stan biełaruskaj armii vyklikaje spraviadlivuju zaniepakojenaść. Siońnia ŭsim vidavočna, što tut niedastatkova raźvity ŭłasna biełaruski patryjatyzm, što mała čaho robicca, kab pašyrać kaštoŭnaści niezaležnaści i niejtralnaści Biełarusi.
My ličym patrebnym nieadkładna pryniać novuju kancepcyju nacyjanalnaj biaśpieki, skiravanuju na ŭličvańnie novych pahrozaŭ i ryzykaŭ dla Biełarusi i jaje dziaržaŭnaści.
Pavinna być pryniataja novaja prahrama dziejańniaŭ z pryjarytetam u razumieńni abarony Ajčyny jak abarony mienavita niezaležnaj Biełarusi. Naležyć pryniać prahramu sapraŭdnaj biełarusizacyi našaj armii. Varta pašyrać vykładańnie sapraŭdnaj biełaruskaj historyi ŭ vajskovych vučelniach i častkach, treba vychoŭvać biełaruskich vajskoŭcaŭ na ŭčynkach nie tolki hierojaŭ Vialikaj Ajčynnaj vajny, ale i inšych histaryčnych postaciach kštałtu Usiasłava Połackaha, vialikich kniazioŭ Alhierda i Vitaŭta, Kanstancina Astrožskaha, Tadevuša Kaściuški, Kastusia Kalinoŭskaha. Dziaržaŭnaja biełaruskaja mova pavinna šyrej i rehularna vykarystoŭvacca kamandnym i aficerskim składam padčas uračystych mierapryjemstvaŭ, vučeńniaŭ, štodzionnaj dziejnaści. Sapraŭdnaje biełaruskaje vojska pavinna śpiavać i maršyravać pad biełaruskija pieśni.
My zaklikajem armiejskaje kiraŭnictva skiravać vychavańnie vajennasłužačych u bok biełaruskaha patryjatyzmu i hatovyja prapanavać svaju dapamohu, naprykład, u vyhladzie adpaviednych infarmacyjnych materyjałaŭ i adukacyjnych sustrečaŭ.
My zaklikajem moładź pryzyŭnoha ŭzrostu i dziejnych vajskoŭcaŭ brać prykład ź lepšych synoŭ-abaroncaŭ Baćkaŭščyny, kab voklič «Słužu Respublicy Biełaruś!» byŭ napoŭnieny hłybokim patryjatyčnym sensam.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ10
Kamientary