Słužba biaśpieki Ukrainy (SBU) zajaviła ab zatrymańni hrupy bajevikoŭ, jakija ŭdzielničali ŭ sutyknieńniach ź siłavikami pad Słavianskam.
Jak paviedamlajecca na sajcie SBU ŭ niadzielu, śpiecapieracyju, u vyniku jakoj byli zatrymanyja čaćviora bajevikoŭ, ukrainskija siłaviki praviali ŭ subotu. Byŭ zatrymany, u tym liku, kiraŭnik hrupy Jaŭhien Nievara pa mianušcy «Kačahar» i jaho pamočnik Uładzimir Bystrycki pa mianušcy «Archar». SBU zajaŭlaje, što jany majuć dačynieńnie da źniščeńnia vajennaj techniki, a taksama da napadaŭ na ŭkrainskich vajskoŭcaŭ, u vyniku jakich dziasiatki siłavikoŭ zahinuli i atrymali ranieńni. U zatrymanych kanfiskavali zbroju i bojeprypasy.
«Hrupa na terytoryi Słavianskaha rajona <…> źniščyła adnu BMP, try BTR, vosiem aŭtamabilaŭ «Urał» i «Chamier» Uzbrojenych sił Ukrainy», — havorycca ŭ paviedamleńni.
SBU taksama abvinavačvaje zatrymanych u arhanizacyi vybuchu čyhunačnaha šlachu ŭ pierahonu stancyj Bukina-Śviatahorsk. Svaje dziejańni, jak udakładniajecca ŭ paviedamleńni, bajeviki zdymali na videa.
Kamientary