Dubaj buduje pieršy ŭ śviecie futurystyčny horad z klimat-kantrolem
Dubaj zajaviŭ pra pabudovu pieršaha na płaniecie futurystyčnaha horada z klimat-kantrolem Mall of The World.
Ambicyjny prajekt, jak čakajecca, budzie ŭklučać najbujniejšy handlovy centr i samy vialiki kryty siamiejny tematyčny park u śviecie. Pavodle infarmacyi zabudoŭščyka Dubai Holding, siamikiłamietrovyja abšary krytych darožak dazvolać ceły tydzień znachodzicca ŭsiaredzinie bieź nieabchodnaści vykarystańnia aŭtamabilaŭ ci ŭpłyvu dubajskaha žorstkaha klimatu pustyni.
U Mall of The World buduć raźmiaščacca 280 tysiač kvadratnych mietraŭ sanatorna-kurortnaha rajona i teatraŭ, pa ŭzory viadomych kulturnych pomnikaŭ, jak u Vest-Endzie i na Bradviei. Tam budzie 100 hatelaŭ, a ŭ cełym haradok budzie raźličany na 180 miljonaŭ naviedvalnikaŭ štohod.
«Meta — stvaryć intehravany horad z mnostvam lepšych u svaim kłasie paramietraŭ u pryjemnym asiarodździ», — skazaŭ premjer-ministr Abjadnanych Arabskich Emirataŭ šejch Muchamied Ben Rašyd Al Maktum ŭ zajavie.
Ni biudžet, ni data zaviaršeńnia rabot nie byli abvieščanyja da hetaha času. Mall of The World moža padacca niezvyčajnym prajektam, ale Dubaj — emirat, jaki ŭvieś čas dzivić svaimi budynkami. I naohuł u hetym horadzie usio maje prystaŭku «samy». Naprykład, Burdž-Chalifa — samy vysoki budynak u śviecie — znachodzicca mienavita ŭ Dubai, samy vialiki fiejervierk śvietu adbyŭsia mienavita tut.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali10
Kamientary