U stalicy zafiksavany adzinkavyja vypadki napadu ptušak na haradžan.
Pra heta karespandentu ahienctva «Minsk-Naviny» paviedamili ŭ Minskim haradskim kamitecie pryrodnych resursaŭ i achovy navakolnaha asiarodździa.
Pa słovach śpiecyjalistaŭ, zvaroty takoha charaktaru pastupajuć zvyčajna ŭ adras staličnych ekołahaŭ i strukturnyja padraździaleńni MNS. Za apošnija niekalki tydniaŭ, u pryvatnaści, u kamitet pryrodnych resursaŭ było nakiravana niekalki takich skarhaŭ. Vinoŭnicy — ahresiŭna nastrojenyja varony. Paciarpiełyja - darosłyja žychary horada.
— Kanflikt pamiž minčanami i varonami całkam vytłumačalny,
— kamientuje situacyju načalnik adździeła dziaržaŭnaha kantrolu za achovaj i vykarystańniem ziamiel, lasoŭ, žyviolnaha i raślinnaha śvietu Minharkampryrody Mikałaj Kozak. - Ptuški zaraz vyroščvajuć ptušaniat. Ptušaniaty niaredka vyvalvajucca z hniazda. A ludzi ŭ nas čullivyja: im nieabchodna paŭdzielničać u losie niaščasnych. Što b vy rabili, kali b da vašamu dziciaci čaplaŭsia niechta čužy? Pravilna, abaraniali. Voś i varony robiać toje ž samaje.
Siarod skarhaŭ traplajucca zvaroty i inšaha charaktaru.
Niekatorych minčan, naprykład, nie zadavalniajuć kałonii ptušak, jakija raśsialilisia kala škoł.
— Skarhi ab vialikich papulacyjach ptušak pastupajuć, u pryvatnaści, z žyłoha rajona Zialony Łuh. Takija listy my fiksujem. Abśledujem terytoryi i ŭ vypadku, kali skarha paćviardžajecca, prymajem adpaviednyja zachady. Bližej da vieraśnia dajem rekamiendacyi pa źniščeńni hniozdaŭ, kab u nastupnym hodzie ptuški vybirali dla žylla inšyja ŭčastki, - tłumačyć ekołah.
Na dumku arnitołahaŭ, varaniataŭ i inšych ptušaniat, jakija vypali z hniazda, lepš nie čapać.
Pra ich pakłapociacca ptušynyja baćki. U advarotnym vypadku možna čakać napadu. Varony, naprykład, zvyčajna biasstrašna abaraniajuć svaich ptušaniat. Jany pačynajuć kryčać, pryciahvajučy surodzičaŭ, źbirajucca ŭ vialikaj kolkaści i atakujuć čužaka.
Kamientary