U Biełarusi stvorany mižnarodny hramadski arhkamitet pa kananizacyi Franciška Skaryny. Jaho ŭznačaliŭ kandydat histaryčnych navuk, były ministr zamiežnych spravaŭ Biełarusi Piatro Kraŭčanka. Sakratarom arhkamiteta staŭ viadomy litaraturaznaŭca, doktar fiłałahičnych navuk Adam Maldzis.
Jak paviedamiŭ BiełaPAN Kraŭčanka, arhkamitet rychtuje arhumientacyju na karyść kananizacyi Skaryny, jakuju zatym pieradaść pradstaŭnikam hreka-katalickaj carkvy. «Śvieckija asoby ŭ hetym pytańni supracoŭničajuć z pradstaŭnikami toj kanfiesii, jakaja bolš za ŭsio ŭ hetym zacikaŭlena, takimi siońnia źjaŭlajucca hreka-kataliki. Zatym my budziem chadajničać pierad kanhrehacyjaj Vatykana, jakaja zajmajecca pytańniami kananizacyi», - raspavioŭ jon.
Pa słovach Kraŭčanki, 20 hadoŭ tamu jon prapanoŭvaŭ pravasłaŭnaj carkvy dapamahčy ŭ pytańni kananizacyi biełaruskaha pieršadrukara. «Ja asabista niekalki razoŭ razmaŭlaŭ na hety kont z uładykam Fiłaretam, Prasiŭ jaho choć by papiarednie razhledzieć hetaje pytańnie. Adnak sprava nie zvaruchnułasia, bo pravasłaŭnaja carkva, na žal, razhladaje Skarynu jak jeretyka, — adznačyŭ jon.
Kamientary