Novy niamiecki tank u adkaz na rasijskuju ahresiju suprać Ukrainy?
U apošnim dakładzie kamiteta niamieckaha parłamienta pa biudžecie znajšłosia miesca dla zajavy pra nieabchodnaść raspracoŭki novaha asnoŭnaha bajavoha tanka Leopard 3, piša defence-blog.com.
«Pavyšeńnie ryzykaŭ biaśpieki patrabujuć jak pierahladu kolkaści i madernizacyi isnujučych (tankaŭ),… hetak i prahramy raspracoŭki Leopard 3», — havorycca ŭ dakumencie.
Ukraina 10 razoŭ zhadvajecca ŭ tym ž dakładzie.
Sučasnaja vajna niemahčymaja biez sučasnych tankaŭ, i, vidavočna, Niamieččyna ličyć, što madernizacyi isnujučych Leopard 2 niedastatkova dla zachavańnia biaśpieki krainy ŭ budučyja 10-20 hadoŭ.
Adzin z rasijskich ekśpiertaŭ ličyć, što Rasija rychtujecca da praciahłaj šmathadovaj kanfrantacyi z Zachadam.
Hrupoŭka rasijskich vojsk na miažy z Ukrainaj prymušaje jeŭrapiejcaŭ pierahladvać acenki mahutnaści svaich tankavych siłaŭ, jakija skaracilisia paśla «chałodnaj vajny», skazaŭ Frank Chaŭn, vykanaŭčy dyrektar kampanii Krauss-Maffei Wegmann GmbH, jakaja vyrablaje Leopard 2.
«Jany (krainy Ŭschodniaj i Centralnaj Jeŭropy) pačynajuć pavialičvać vydatki na abaronu z-za Rasii», - skazaŭ Chaŭn u intervju ahienctvu Bloomberg.
Krauss-Maffei Wegmann GmbH u bližejšy čas płanuje zakončyć praceduru abjadnańnia z francuzskaj Nexter Systems SA, paŭstaŭščykom tankaŭ Leclerc.
Pakul nieviadoma, jak budzie vyhladać budučy Leapard 3. U 1970-ch niamieckija inžyniery raspracoŭvali tank VT1, jaki časam u papularnaj litaratury nazyvajuć Leopard Z. Heta byŭ tank niezvyčajnaj kampanoŭki bieź viežy i z 2 harmatami, adnak plusy kanstrukcyi nie kampiensavali minusaŭ, i prajekt byŭ pakładzieny na palicu.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu52
Kamientary