Новы нямецкі танк у адказ на расійскую агрэсію супраць Украіны?
У апошнім дакладзе камітэта нямецкага парламента па бюджэце знайшлося месца для заявы пра неабходнасць распрацоўкі новага асноўнага баявога танка Leopard 3, піша defence-blog.com.
«Павышэнне рызыкаў бяспекі патрабуюць як перагляду колькасці і мадэрнізацыі існуючых (танкаў),… гэтак і праграмы распрацоўкі Leopard 3», — гаворыцца ў дакумэнце.
Украіна 10 разоў згадваецца ў тым ж дакладзе.
Сучасная вайна немагчымая без сучасных танкаў, і, відавочна, Нямеччына лічыць, што мадэрнізацыі існуючых Leopard 2 недастаткова для захавання бяспекі краіны ў будучыя 10-20 гадоў.
Адзін з расійскіх экспертаў лічыць, што Расія рыхтуецца да працяглай шматгадовай канфрантацыі з Захадам.
Групоўка расійскіх войск на мяжы з Украінай прымушае еўрапейцаў пераглядваць ацэнкі магутнасці сваіх танкавых сілаў, якія скараціліся пасля «халоднай вайны», сказаў Франк Хаўн, выканаўчы дырэктар кампаніі Krauss-Maffei Wegmann GmbH, якая вырабляе Leopard 2.
«Яны (краіны Ўсходняй і Цэнтральнай Еўропы) пачынаюць павялічваць выдаткі на абарону з-за Расіі», - сказаў Хаўн у інтэрв'ю агенцтву Bloomberg.
Krauss-Maffei Wegmann GmbH у бліжэйшы час плануе закончыць працэдуру аб'яднання з французскай Nexter Systems SA, паўстаўшчыком танкаў Leclerc.
Пакуль невядома, як будзе выглядаць будучы Леапард 3. У 1970-х нямецкія інжынеры распрацоўвалі танк VT1, які часам у папулярнай літаратуры называюць Leopard З. Гэта быў танк незвычайнай кампаноўкі без вежы і з 2 гарматамі, аднак плюсы канструкцыі не кампенсавалі мінусаў, і праект быў пакладзены на паліцу.
Каментары