Zachodnija navukoŭcy adkryli novy mahutny antybijotyk, jaki dapamoža ŭ baraćbie z chvarobami
Ekśpierymientalny antybijotyk nazvali tejksabaktyn (teixobactin).
Novy antybijotyk stvorany praktyčna z hrazi: jon byŭ vyviedzieny z bakteryi Eleftheria terrae, znojdzienaj u hrazi travianistych paloŭ štatu Men (ZŠA), navukoŭcami Hiermanii, Vialikabrytanii i ZŠA. Hetaja bakteryja zvyčajna nie raźvivajecca ŭ łabaratornych umovach. Zdabyć jaje atrymałasia dziakujučy inavacyjnamu pryboru iChip, što dapamahaje źbirać hetkija «nie łabaratornyja» arhanizmy.
«Što mianie najbolš uražvaje, dyk heta spakuślivaja pierśpiektyva taho, što hetaje adkryćcio — tolki viaršynia ajśbierhu», — kaža prafiesar univiersiteta Edynburha Mark Vułchaŭs.
Stvoranaje navukoŭcami złučeńnie krajnie mahutnaje ŭ baraćbie suprać Hrem-pazityŭnych mikrobaŭ, da jakich adnosicca bolšaja častka patahiennych dla čałavieka mikraarhanizmaŭ.
Testavańnie tejksabaktynu na myšach pakazała jaho zdolnaść da lekavańnia štama załacistaha stafiłakoku, što maje supraciŭlalnaść da mnohich preparataŭ. Pabočnych efiektaŭ vyjaŭlena nie było. Łabaratornaje testavańnie pakazała zdolnaść antybijotyka i da baraćby sa štamami šerahu infiekcyj kštałtu uzbudžalnikaŭ sibirskaj jazvy i dyjarei, tubierkuloznaj pałački i stafiłakoku.
Novy antybijotyk moža ŭratavać sotni tysiač žyćciaŭ.
Praz suchoty ŭ 2013 hodzie pamierła 1,5 młn čałaviek. Pieranosčykami załacistaha stafiłakoku jość 15-20% zdarovych darosłych i 30-50% dziaciej 4-6 hod. Štam, ustojlivy da sučasnaha antybijotyku mietacylinu, zabiraje žyćci 20 tysiač čałaviek na hod tolki ŭ ZŠA.
Baraćba sa škodnymi dla čałavieka bakteryjami ciažkaja: bakteryi chutka vypracoŭvajuć imunitet da lekaŭ.
Navat da stvoranaha ŭ 1943 hodzie pienicylinu stafiłakok mieŭ zakładzienuju ŭ hienach patencyjnuju supraciŭlalnaść. Kab vypracavać supraciŭlalnaść da pienicylinu, uzbudžalniku dyzienteryi šyhiełam spatrebiłasia dzieviać hod. Tamu stvareńnie novych antybijotykaŭ musić być niaspynnym.
Pry dobrym źbiehu abstavin paśla testavańnia na ludziach tejksabaktyn moža źjavicca ŭžo da 2019 hoda.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary