Vy dumajecie, u ZŠA niama adeptaŭ rynkavaha sacyjalizmu, pravasłaŭnaha ateizmu i pryśpiešanaj rusifikacyi? Jość! Prafiesar Iofe!
Prafiesar Ryhor Iofe — hieohraf. U SSSR jon pracavaŭ u Instytucie hieahrafii Rasijskaj Akademii navuk. A ŭ ZŠA jon znajšoŭ siabie ŭ pravincyjnym Redfardskim univiersitecie štata Virdžynija.
Kniha «Pieraacenka Łukašenki: Biełaruś u kulturnym i hieapalityčnym kantekście» (Reassessing Lukashenka: Belarus in Cultural and Geopolitical Context) vyjšła ŭ kancy 2014 hoda ŭ ZŠA i ŭtrymlivaje siamihadzinnaje intervju z Łukašenkam, jakoha Iofe byŭ udastojeny ŭ 2011 hodzie.
Havorka, praŭda, ab pieraacency, jakuju pavinny ažyćciavić čytačy. Sam Iofe aceńvaje Łukašenku pazityŭna daŭno i paśladoŭna, a apazicyju jamu i biełaruski nacyjanalny ruch — niehatyŭna.
Novuju knihu Iofe prezientujuć u Akademii kiravańnia pry prezidencie.
A ŭ paniadziełak, 12 studzienia, z prafiesaram Iofe sustreŭsia i asabista Alaksandr Łukašenka. Łukašenka adznačyŭ, što dla acenki siońniašniaj situacyi va Uschodniaj Jeŭropie važny pohlad abjektyŭnaha i nieabyjakavaha ekśpierta «z boku». Takim jon jakraz ličyć Ryhora Iofie.
Napiaredadni Iofe puścili ŭ prahramu «Hałoŭny efir» na telekanale «Biełaruś-1». Tam jon kazaŭ pra toje, što «Łukašenku niedaaceńvajuć, jaho nie vielmi dobra razumiejuć».
Pra losy Statkieviča, Hančara i Vasila Bykava prafiesar Iofe pramaŭčaŭ.
Kamientary